Juliana Kanyomozi yijihije kugeza abantu Miliyoni kuri Facebook itanga Miliyoni imwe y’Amashilingi

Juliana Kanyomozi yijihije kugeza abantu Miliyoni kuri Facebook itanga Miliyoni imwe y’Amashilingi | Umusingi

Juliana Kanyomozi yijihije kugeza abantu Miliyoni kuri Facebook itanga Miliyoni imwe y’Amashilingi

— December 20, 2017

Please enter banners and links.

Umuhanzi w’icyamamare muri Uganda ariko ukunzwe muri Africa n’Iburayi Juliana Kanyomozi yijihije kugeza inshuti zimukurikira kuri Facebook kugeza Miliyoni ndetse muri izo nshuti atombaramo umwe amuha Miliyoni imwe y’Amashilingi ya Uganda.

Juliana Kanyomozi yashimiye inshuti ze za Facebook avuga ko umuryango umaze gukura kandi abashimira uburyo bahora bamushyigikiye ndetse nawe abizeza kubashyigikira ndetse no gufatanya nabo muri byose ati “n’igikorwa cyiza cyo kwishimira kugeza inshuti Miliyoni ntibyoroshye ariko mbigezeho kubera mwebwe”.

Juliana Kanyomozi uherutse mu Rwanda mu gitaramo cya Charly na Nina ubwo bashyiraga Album yabo ya mbere ,akaba yarebye mu nshuti ze zose uko ari Miliyoni atombora uwitwa Nalubwama Christine aba ariwe aha Miliyoni y’Amashilingi ya Uganda nk’igihembo yageneye umwe mu nshuti ze za Facebook ariko atari azi uwo ariwe.

Kubera ko yagejeje inshuti Miliyoni yahisemo gutanga igihembo cya Miliyoni mu rwego rwo kwishimira intabwe agezeho ndetse no gushimisha abakunzi be.

Juliana Kanyomozi

Juliana yabwiye inshuti ze ati ntago nabona icyo mbahemba mwese kandi ntago ari Christine ubaruta ahubwo ni uko ariwe munyamahirwe ariko mwese ndabakunda kandi muri inshuti nziza.

Nalubwama Christine yabajijwe na Juliana nyuma yo kumubwira ko ariwe utomboye Miliyoni nk’umwe mu nshuti ze maze amubaza icyo azakoresha iyo Miliyoni maze amubwira ko azaguramo imashini yo gukora pads.

Uyu Nalubwama Christine akaba akorera muri Mbarara aho afasha abakobwa batishoboye kubona pads.Nalubwama yashimiye cyane umuhanzi Juliana Kanyomozi ndetse amwizeza kuzakomeza kumushimisha dore ko n’ubundi yajyaga amuteza imbere yandika ku rubuga.

2,973 total views, 3 views today