umu amakuru- Karongi: Ababaga muri Shitingi inzu yaraguye umuterankunga abafasha kubaka inzu none babuze ibiti n’amabati | Umusingi

Karongi: Ababaga muri Shitingi inzu yaraguye umuterankunga abafasha kubaka inzu none babuze ibiti n’amabati

Please enter banners and links.

Mu minsi yashize mu binyamakuru bitandukanye hagaragaye inkuru y’umuryango w’abantu 8 babaga muri shitingi kubera inzu babagamo yari yaraguye izize ibiza.

Nyuma yo kugaragara mu binyamakuru ubuyobozi bw’Umurenge wa Rubengera bwahise bujya kubakodeshereza inzu ariko nayo itameze neza imbere kuko yari yuzuyemo amatafari hibazwa uburyo inzu ikodeshwa kandi irimo ibikoresho byuzuyemo ku buryo abana bararaga hejuru ya rukarakara.

Nyuma y’iminsi mike uyu muryango wanditswe mu binyamakuru utabarizwa ko ubayeho nabi hari umugira neza witwa Mbabazi Winnie uba mu gihugu cya Finland yarabibonye yemera kubatera inkunga yo kububakira inzu ikazamuka kubera aribwo bushobozi yari afite n’ubuyobozi bukabafasha kubona amabati n’ibindi cyangwa abandi baterankunga bakaba babafasha nabo.

Mu cyumweru gishize nibwo Nyirarukundo Imerida umugore wa Sabin Jean Bosco aribo ba nyiri rugo rwasenyutse yatubwiye ko inzu yarangiye kubaka ndetse ashimira umuterankunga wabafashije kubaka ariko avuga ko babuze ibiti byo gusakaza.

Nyirarukundo yavuze ko bari bagerageje kujya mu buyobozi ndetse Meya yabemereye ko azaza agakoresha inama n’abaturage ku kibazo cyabo ariko Meya wa Karongi ari mu bahereweho yirukanwa mu nkundura imaze iminsi y’Abameya kwegura bityo ubu bakaba barabuze ubufasha kandi imvura ishobora kongera kubasenyera.

Inzu bujuje ariko babuze uko basakara kubera ubukene

Ishitingi babagamo

Sabin Jean Bosco nawe yagize ati “Ubu inzu kuyubaka byari bisa nibyarangiye ariko ubu twabuze ibiti byo gusakaza iyo ngira Imana nkabibona n’iyo nashyiraho shitingi hejuru tugapfa kuba tuyigiyemo kuko aho tuba naho nta kigenda”.

Ku itariki 11 Kanama 2019 tubaza umuyobozi w’Umurenge wa Rubengera witwa Rukesha  maze tumubajije niba koko hari amabati bemereye uwo muryango wabaga muri shitingi avuga ko ucumbikiwe ati naguha nimero z’ushinzwe icyo kibazo akaguha amakuru.

Ikigaragara ni uko uyu muryango usa n’uwatereranywe kandi ubuyobozi buberaho gufasha abaturage.Hari amabati ubuyobozi bwabemereye ariko abayemerewe bibaza guha umuntu amabati ntumufashe n’uburyo yuubaka ko nabyo bitumvikana.

Ubwanditsi

 

 

611 total views, 1 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.