umu amakuru- Mu rugo rwa Bashir hafatiwe imifuka ipakiyemo amadorali miliyoni 130 | Umusingi

Mu rugo rwa Bashir hafatiwe imifuka ipakiyemo amadorali miliyoni 130

Please enter banners and links.

Inzego zikora iperereza muri Sudani zatangaje ko zasanze imifuka ipakiyemo amadolari miliyoni 130 mu rugo rwa Omar al Bashir uherutse guhirikwa ku butegetsi.

Inkuru ya Bashir ikomeje kubabaza benshi kuba Perezida ,ukaba mu buzima bwiza ukumva ko ntakibazo uzagira ariko bikarangira uva ku mwanya wa Perezida werekeza muri gereza kubana nabo wafungishije.

Ubushinjacyaha bwatangaje ko buri gukora iperereza kuri uyu mugabo wari umaze imyaka 30 ku butegetsi ngo harebwe ko nta mafaranga yanyereje.

Umwe mu bakozi mu nzego z’ubutabera muri Sudani yabwiye Ibiro Ntaramakuru by’Abongereza, Reuters, ko hari aho basanze amadolari ibihumbi 351, ahandi miliyoni 6.6 ahandi bahasanga miliyari 5 z’amafaranga akoreshwa muri Sudani, ahwanye na miliyoni 105 z’amadolari ya Amerika.

Kugeza ubu ngo inzego z’iperereza zikomeje kubaza Bashir kuri iki cyaha aho afungiye muri gereza ya Kobar.

Amwe mu mafoto yashyinzwe hanze n’ikinyamakuru cyo mu Buholandi yagaragaje abantu bari mu myambaro y’inzego z’umutekano bazengurutse imifuka irimo amadorali menshi.

Aya mafaranga yeretswe itazangamakuru yari mu dufuka kamwe k’ibiro 50.

Umushinjacyaha Mukuru wa leta yatangaje ko hatangijwe iperereza kuri Bashir nyuma yaho basanze aka kayabo mu rugo rwe.

Imyaka 30 y’ubutegetsi bwa Bashir yashyizweho iherezo n’igisirikare ku wa 11 Mata 2019 nyuma y’imyigaragambyo y’abaturage yari imaze amezi ane.

Gusa ihirikwa rya Bashir ntiryanyuze abigaragambya kuko bakiri mu mihanda basaba ko inama nkuru y’igisirikare yahiritse Bashir ikaba iyoboye inzibacyuho, nayo yavaho hakajyaho ubutegetsi bwa gisivile.

Bashir w’imyaka 75 yashyiriweho impapuro zo gutabwa muri yombi n’Urukiko Mpanabyaha Mpuzamahanga (ICC) ngo akurikiranweho ibyaha by’ubwicanyi byakorewe mu Ntara ya Darfur guhera mu 2003.

Akanama ka gisirikare kafashe ubutegetsi katangaje ko katazatanga Bashir ngo aburanishwe n’amahanga, icyakora Gen Sheikh Jalaluddin, umwe mu bagize akanama kayoboye igihugu, yavuze ko icyemezo kizafatwa na Guverinoma ya gisivile nimara kujyaho.

 

 

969 total views, 3 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.