umu amakuru- Bebe Cool wanganaga urunuka na Bobi Wine bahurijwe mu gitaramo cya Eddy Kenzo barahoberana induru z’abafana babo ziravuga (Vidio) | Umusingi

Bebe Cool wanganaga urunuka na Bobi Wine bahurijwe mu gitaramo cya Eddy Kenzo barahoberana induru z’abafana babo ziravuga (Vidio)

Please enter banners and links.

Abantu benshi cyane mu gihugu cya Uganda baraye babonye icyo batekerezaga kubona ubwo abahanzi 2 bamaze igihe kirekire bangana urunuka aribo Bebe Cool na Bobi Wine bahuriraga mu gitaramo cya Eddy Kenzo bahoberanye induru ikavuga.

Eddy Kenzo yari yateguye igitaramo cyo kwishimira imyaka 10 amaze mu muziki ,igitaramo cyabereye muri Serena hotel Kuwa 4 Mutarama 2019 akaba yahamagaye Bebe Cool amwereka aho aza kwicara hari hicaye Bobi Wine n’umugore we Barbie bicaranye na Katikilo Peter Mayiga amubwira gusuhuza Bobi Wine.

Bebe Cool yabanje gusuhuza Katikilo Peter Mayiga maze Bobi Wine arahaguruka amuha ukuboko barasuhuzanya barahoberana abantu benshi bari bitabiriye icyo gitaramo bavuza induru cyane kubera ko aba bahanzi abantu bari bazi ko batahura ngo basuhuzanye kubera ukuntu bamaze imyaka myinshi bangana umwe avuga undi amagambo atari meza ariko bikaba byashimishije abantu benshi.

Bebe Cool wambaye umutuku hagati Katikilo Peter Charles Mayiga na Bobi Wine bicaranye mu gitaramo cya Eddy Kenzo muri Serena hotel

Bobi Wine asuhuzanya na Bebe Cool

Byavuye mu muziki bijya muri politike kuko Bobi Wine yabaye umudepite muri Uganda mu gihe Bebe Cool ashyigikiye Perezida Museveni naho batangira guhanganira muri politike byarahereye mu muziki wabo.

Icyo abantu bakibaza niba urwangano rwabo rwarangiye nyuma yo guhurira mu gitaramo bagahoberana bagakora ikimenyetso cy’urukundo ariko ntibagire icyo babivugaho ariko abantu bakaba bemeza ko kuba bashoboye guhoberana n’ibindi bizashoboka.

Bobi Wine we avuga ko urwangano rwabo rwatangiye cyera bakiri bato uko ari 3 Bebe Cool ,Bobi Wine na Chamilion ariko Bobi Wine na Chamilion baje kugeraho bo amakimbirane yabo arashira ku buryo ubu ari inshuti nkuko batangiye cyera.Bobi Wine avuga ko ubu bakuze babaye abagabo nta mpamvu yogukomeza amakimbirane .

 

439 total views, 5 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.