Umunyarwandakazi yafatanywe ibiyobyabwenge ku kibuga cy’indege by’agaciro ka miliyoni 397 Ugs

Umunyarwandakazi yafatanywe ibiyobyabwenge ku kibuga cy’indege by’agaciro ka miliyoni 397 Ugs | Umusingi

Umunyarwandakazi yafatanywe ibiyobyabwenge ku kibuga cy’indege by’agaciro ka miliyoni 397 Ugs

— November 27, 2017

Please enter banners and links.

Kuri uyu wa mbere tariki 27 Ugushyingo 2017 Polisi ishinzwe kugenzura ikibuga k’indege muri Uganda yatangaje ko yataye muri yombi umugore ufite inkomoko mu Rwanda wari utwaye ibiyobyabwenge bya ‘cocaine’ bifite agaciro ka miliyoni 397 z’ama-Shilling ya Uganda, ku kibuga k’indege cya Entebbe.

Uyu mugore ukekwa yatangajwe ku mazina ya Beatrice Isaro, bivugwa ko ari umuganga ufite inkomoko mu Rwanda kubera ko yari afite passport y’inyarwanda ,yatahuwe n’ibyuma kabuhariwe biri ku kibuga k’indege, byagaragaje ko mu gikapo yari afite harimo ibiyobyabwenge.

Vincent Ssekate, umuvugizi w’ishami rishinzwe iperereza muri Pilisi ya Uganda yagize ati “Polisi iherutse kugura ibyuma bikoresha ikoranabuhanga ryo hejuru ku buryo bidashobora kwibeshya ku muntu ukekwaho ibyaha, niyo mpamvu twabashije gufata Isaro wageragezaga kuvana ibiyobyabwenge mu gihugu.”

Abakozi bo ku kibuga k’indege basatse umuzigo w’uyu mugore basangamo inkweto, ibibabi by’icyayi, n’ibiyobyabwenge bya cocaine byari bipfunyitse mu gitambaro .

Uyu mugore witwa Isaro, ngo yasanganywe ibyangombwa by’inzira byo mu Rwanda bifite nomero EC 298229, yari atwaye Kg 1.59 za cocaine, yari abijyanye i Bamako umurwa mukuru wa Mali.

Polisi ya Uganda yamutaye muri yombi ari kumwe n’umugabo witwa Haruna Koli, bivugwa ko bari kumwe na we afitanye isano n’icyo gikorwa.

Isaro wavukiye ahitwa Lwebitakuli yatangarije Polisi yo muri Uganda ko igikapo yafatanywe yagihawe n’umuntu witwa Issa baheruka guhurira mu bikorwa by’ubucuruzi ngo akimuhere umuvandimwe uba muri Mali.

Yavuze ko yari agiye muri Mali ku busabe bw’inshuti ye yitwa Mitchel yari yamusabye kujya kumurangurira ibicuruzwa ngo abizane i Kigali.

Isaro arashinjwa gucuruza ibiyobyabwenge bihanwa n’itegeko ryo muri Uganda, (Smuggling Narcotic Drugs CRB 333/17), afungiye kuri Polisi ikorera ku kibuga k’indege cya Entebbe, mu gihe ataragezwa imbere y’urukiko.

2,443 total views, 3 views today