Umusingi

Please enter banners and links.

Nkuko mu nkuru iherutse gusohoka mu Kinyamakuru Umusingi  twari twabagejejeho ibijyanye n’urwandiko United Street Promotion Cooperative (USPC) bari bandikiye Federation isaba gukurikirana ikibazo cya Nibamureke Valens uhagarariye Company yitwa Unit Gospel Music Company Ltd(UGMC Ltd) uvuga ko afite amasezerano n’abahanzi baririmba indirimbo zihimbaza Imana (Gospel)nakarahanyuze.

Ikinyamakuru Umusingi cyashatse kubaza Nibamureke Valens niba yaduha ayo masezerano yagiranye n’abahanzi kugirango abamukeka kuba yishyuza abacuruzi bacuruza ibihangano by’abahanzi babicuruza hirya no hino mu gihugu babarizwa muri Koperative yitwa United Street Promotion Cooperative (USPC) mu buryo bwuburiganya bigaragare ko afite ibyangombwa byuzuye.

Kuwa 11 Kamena 2020 Nibamureke Valens yatangarije Ikinyamakuru Umusingi ko amasezerano atayatangira kuri Telephone yagize ati “Ntabwo amasezerano nyatanga kuri whatsapp muzaze ku kazi tuyabereke”.

Ubundi niba koko afite amasezerano nta mpamvu yo kuyatangira ku kazi byaba bitwaye iki ufotoye ugaha umunyamakuru agakora inkuru igaragaza ko ibivugwa atari ibyo dore ko hari abamushinja kwishyuza ibihangano by’abahanzi atabifitiye uburenganzira.

Iyo uvuze ngo ntabwo amasezerano uyatangira kuri whatsapp ngo muzaze ku kazi byumvikana nkaho icyo cyangombwa atagifite.

Ikinyamakuru Umusingi kimaze kumva impande zombi urushinja n’urushinjwa twashatse kubaza Federation y’abahanzi icyo ivuga kuri iki kibazo maze tubaza Umuyobozi wa Federation Intore Tuyisenge maze avuga ko icyo kibazo bakigejejweho ndetse avuga ko hari n’abandi bafite ibibazo nk’ibyo bityo bakaba barimo gutegura guhuza abahanzi n’abacuruza ibihangano byabo kugirango abafite amasezerano bamenyekane n’abafite ayashaje bayavugurure bakorere mu murongo mwiza.

Umuyobozi wa United Street Promotion Cooperative (USPC)Munyurwa Festus

Intore Tuyisenge yagize ati “Icyo kibazo turakize turimo kugikurikirana n’ibindi nk’ibyo uzasangwa akora mu muryo bunyuranije n’amategeko azabihanirwa kuko itegeko rirahari kandi hari inzego zishinzwe kureba abishe amategeko babikurikirana n’iki kibazo kizakemuka”.

Nibamureke Valens

Bamwe mu bahanzi avuga ko afite amasezerano nabo yo gucuruza ibihangano byabo

Umuyobozi wa United Street Promotion Cooperative (USPC)Munyurwa Festus yagize ati “Uwo mugabo afite amasezerano y’umuhanzi umwe gusa Theo Bosebabireba abandi ntabwo ariwe wagiranye nabo amasezerano hagiye handitseho abandi kandi ayo masezerano ntabwo ari ayo gucuruza ibihangano nayo gucuruza cassette kandi cassette igihe cyazo cyararangiye bivuze ko abamwishyura ari uburiganya aribyo dusaba ubuyobozi kugenzura bugakemura ikibazo”.

Undi munyamuryango wa United Street Promotion Cooperative (USPC) utarashatse ko amazina ye atangazwa yagize ati “Uwo Mugabo Nibamureke Valens ibyo tumubaza ashaka kubihunga akazana izindi mpamvu icyo dushaka ni kimwe gusa natwereke amasezerano yagiranye n’abahanzi nta kindi kuko hari ababwira ko ngo hari umuntu wayatwaye kandi abahanzi bagera kuri 30 bavuga ko batamuzi .Natwereke amasezerano ntakindi dukomeze dukorana sinzi impamvu atayerekana”.

Ikinyamnakuru Umusingi cyashatse kubaza abahanzi barimo Man Martin na Tonzi ndetse na Munyanshiza Diodone ariko Tonzi kuri whatsapp yarasomye ntiyasubiza naho Man Martin yabajije uwo muntu aho akorera asa naho ashaka kuzajya kumubaza ayo masezerano ariko ntiyaduhakanira ko amuzi cyangwa atamuzi mu gihe Mibirizi ariwe Munyanshoza Diodone ndetse ari nawe uhagarariye Impala Telephone ye itanyuragamo.

Iyi nkuru iracyakomeza kuko irimo ibibazo byinshi tuzakomeza kubagezaho amakuru atandukanye.

Gatera Stanley

4,189 total views, 5 views today