umu amakuru- Umujyi wa Kigali wabonye umuyobozi mushya abantu batahaga amahirwe | Umusingi

Umujyi wa Kigali wabonye umuyobozi mushya abantu batahaga amahirwe

Please enter banners and links.

Kuri uyu wagatandatu tariki 17 Kanama 2019 Rubingisa Pudence ni we watorewe kuyobora Umujyi wa Kigali. Rubingisa yatowe asimbura Marie Chantal Rwakazina wagizwe Ambasaderi w’u Rwanda mu Busuwisi. Yagize amajwi 77 atsinda Rose Rutera bari bahanganye we akaba yagize amajwi 22.

Rubingisa Pudence yahoze ari Umuyobozi wungirije wa Kaminuza y’u Rwanda ushinzwe imari n’Ubutegetsi. Yaje gufungwa muri Nzeri 2017 akurikiranyweho ibyaha by’iyezandonke.

Urukiko rwisumbuye rwa Nyamirambo rwamukatiye gufungwa iminsi 30 y’agateganyo, ajuririra Urukiko Rukuru rwaje gutesha agaciro icyo kemezo. Ubu yakoraga i Rusororo ku ikicaro gikuru cya RPF afite umwanya wa Managing Director wa Intare Investment.

Rubingisa Pudence

Visi Mayor w’Umujyi ushinzwe Imibereho myiza n’Ubukungu yabaye Umutoni Gatsinzi Nadine naho Visi Mayor ushinzwe Ibikorwa Remezo aba Nsabimana Erneste.

Perezida wa Njyanama y’Umujyi wa Kigali ni Dr Jeannette Bayisenge akaba yatsinze Antoine Mutsinzi wagize amajwi atatu undi agira 8.

Visi perezida wa Njyanama y’Umujyi wa Kigali, ni Didas Muganga Kayihura, watsinze ku majwi 11 ariko akaba ari we wiyamamaje wenyine kuri uwo mwanya.

Umunyamabanga yabaye Baguma Rose.Amatora arangiye hari abantu bavugaga ko Rubingiza atahabwaga amahirwe.

 

 

863 total views, 1 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.