umu amakuru- U Burundi buvuga ko bwashyikirije u Rwanda inyeshyamba zirurwanya bwafashe | Umusingi

U Burundi buvuga ko bwashyikirije u Rwanda inyeshyamba zirurwanya bwafashe

Please enter banners and links.

Amakuru ava mu Gihugu cy’Uburundi avuga ko kuri uyu wambere taliki ya 29 Mata 2019 iki Gihugu kiri kumwe, n’abagize inama y’umuryango w’ibihugu byo mu karere k’Ibiyaga bigari, abayobozi ba MONUSCO, abahagarariye umuryango w’ibihugu byo mu majyepfo ya Afurika SADEC bashyikirije u Rwanda inyeshyamba zirurwanya zafatiwe ku butaka bw’Uburundi.

Mu nyeshyamba bivugwa ko  zahawe u Rwanda harimo Pascal Uwimana, Claude Hategekimana, Jean Claude Harerimana, Jean Pierre Tuyizere, Emmanuel Hagenintwari, Éric Ntegerejimana na Slt Albert Havugimana uzwi nka “Prof”.

Sos Media dikesha aya makuru ivuga ko polisi y’Uburundi yemeza ko izi nyeshyamba zahungiye mu Burundi nyuma yuko zari zineshejwe n’igisirikare cy’u Rwanda.

Izi nyeshyamba zafashwe kuwa 8 Mata 2019 SOS Media ikavuga ko babanje gufungwa ku biro bya polisi bya komini Mabayi iminsi itatu mbere yo kujyanwa ku biro by’iperereza rya Gisirikare i Bujumbura.

Aya makuru yemezwa na Anicet Saïd umujyanama muri Leta y’Uburundi uvuga ko Igihugu cye kitifuriza inabi iyo ariyo yose u Rwanda.

Izi nyeshyamba zafatanywe intwaro zirimo imbunda zo mu bwoko bwa Kalachnikov 5 na radiyo imwe ikoreshwa mu itumanaho ry gisirikare.

izi nyeshyamba bivugwa ko ari iz’umutwe wa FLN ushamikiye ku ishyaka rya MRCD riyobowe na Rusesabagina Paul uba mu gihugu cy’Ububiligi. Izi nyeshyamba ngo zitorezaga muri RDC mu mutwe uyobozwe n’uwitwa Ramadhan bakaba baraturutse aho bitoreza binjira mu Rwanda ari naho bakubiswe n’ingabo z’u Rwanda bagahungira i Burundi.

Mu minis ishize hagiye hagaragara inkuru nyinshi zavugaga ko hari inyeshyaba zivuga i Kinyarwanda zahungiye i Burundi ariko hari hataramenyekana umwirondoro wazo.

Inzobere z’akanama k’umuryango wabibumbye gashinzwe umutekano ku Isi gaherutse kugaragaza raporo ivuga ko  muri RDC hitorerza ingabo zo muri P5( Impuzamashyaka arwanya Leta y’u Rwanda) izo nyeshyamba zikaba ziyobowe na Kayumba Nyamwasa wo mu ishyaka RNC naryo ribarizwa muri P5. Gusa muri iyi Raporo havugwamo ko ubufasha bunini bw’izi nyeshyamba buturuka mu Burundi.

Aya makuru ntacyo u Rwanda rurabivugaho kuko twashatse kuvugana n’umunyamabanga wa Leta muri Ministeri y’ububanyi n’amahanga Olivier Nduhungirehe avuga ko nawe yabibonye ku mbugankoranyambaga ariko ko ntakuri kwabyo aramenya.

Source:Rwandanziza.rw

 

2,637 total views, 1 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.