umu amakuru- Uganda yareze mu rukiko u Rwanda kubera gufunga imipaka | Umusingi

Uganda yareze mu rukiko u Rwanda kubera gufunga imipaka

Please enter banners and links.

Umuturage wo muri Uganda yareze u Rwanda mu rukiko rwa East Africa aho avuga ko u Rwanda rwaunze imipaka mu buryo butemewe n’amategeko nkuko tubikesha Ikinyamakuru cyo muri Uganda The Monitor.

Iki gitangazamakuru kivuga ko u Rwanda rwafunze imipaka iruhuza na Uganda ya Gatuna na Cyanika –Kisoro Kabale Kuwa 28 Gashyantare 2019 .

Steven Kalali umwunganizi mu mategeko ushobora kwita Avoka nkuko bakunda kubita akaba ariwe watanze ikirego avuga ko yarakajwe bikomeye n’imyitwarire ya Perezida Paul Kagame w’u Rwanda ku kibazo cyo gufunga imipaka.

Steven Kalali avuga ko Perezida Kagame ngo yabwiye abakozi b’urwego rushinzwe abinjira n’abasohoka (immigration Officials)n’abakozi b’ikigo gishinzwe imisoro n’amahoro (RRA) bakora ku mipaka  ko batemerera Abagande n’abacuruzi baho kwinjira mu gihugu kubera impamvu zidasobanutse (unjustified reasons).

Iki kinyamakuru kivuga ko ikirego bareze u Rwanda bagihaye Intumwa nkuru ya Leta (Attorney General of Rwanda),aho Kalili avuga ko ibyo u Rwanda rwakoze binyuranije n’amahame n’amasezerano y’ibihugu bigize East Africa avuga ko hagomba kubaho ubucuruzi bwambukiranya imipaka itagomba guhungabanywa n’igihugu na kimwe ndetse n’urujya n’uruza rw’abantu.

Avuga ko ifungwa ry’imipaka ryabangamiye ibindi bihugu nka DR.Congo n’uBurundi kuko imodoka zijyayo zanyuraga mu Rwanda.

Ikirego cye Kalali akaba yakigejeje mu Rukiko rw’ikirenga rwa East Africa muri Kamapala ahitwa Kololo.

Kalali avuga ko yifuza ko Urukiko ruhiriweho n’ibihugu bya East Africa (regional court) gutegeka u Rwanda rugafungura imipaka rwafunze mu rwego rwo kugirango ubucuruzi bukomeze uko bwari busanzwe ndetse n’abantu bakomeze kugenda uko bagendaga mbere.

Avuga ko gufunga imipaka byabangamiye abashoferi b’amakamyo yaturukaga Uganda ajya mu Rwanda andi akomeza mu bindi bihugu yabujijwe kwinjira mu Rwanda anyuze Gatuna bakababwira gusubira inyuma bagakoresha umupaka wa Mirama unyuze Ntungamo aho bavuga ko hari ibirometero 100 avuye Gatuna.

U Rwanda rwavuze ko impamvu rwafunze imipaka ari uko harimo hubakwa ibiro by’umupaka (Onestop border post) nkuko Minisitiri w’Ububanyi n’Amahanga Dr.Rihard Sezibera yabisobanuye mu kiganiro yagiranye n’abanyamakuru.

Byashyizwe mu Kinyarwanda na Muhungu John –Kampala

2,539 total views, 3 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.