Akarengane:Yagurijwe ibihumbi 200 umwana we yirukanwe ku ishuri byarangiye isambu ye atwawe n’uwo yita umusirikare (Vedio)

Akarengane:Yagurijwe ibihumbi 200 umwana we yirukanwe ku ishuri byarangiye isambu ye atwawe n’uwo yita umusirikare (Vedio) | Umusingi

Akarengane:Yagurijwe ibihumbi 200 umwana we yirukanwe ku ishuri byarangiye isambu ye atwawe n’uwo yita umusirikare (Vedio)

— September 2, 2022

Please enter banners and links.

Nkuko bisanzwe ndetse bizwi ko Ikinyamakuru Umusingi na Umusingi TV aribyo byonyine bivugira abaturage akarengane kabo ubu bikaba byagejejeho inkuru y’akarengane kakorewe umuturage.

Nkuko muri bubyumve mu nkuru ku Umusingi TV uyu mugore yagurijwe amafaranga ibihumbi 200 ashaka kwishyura amafaranga y’ishuri kuko umwana we yari yirukanwe kubera amafaranga yishyuzwaga ku ishuri biba ngombwa ko yiguriza kugirango umunyeshuri asubire kwiga ariko abakomisiyoneri bafatanije n’inshuti ze baramushuka afata bank ramberi ariko agwatiriza icyangombwa cy’ubutaka bwe birangira gihinduwe mu mazina y’uwamugurije nyirubutaka atabimenye.

Ese guhinduza icyangombwa cy’ubutaka ntibisaba kunyura mu nzego zibanze?Ugurishije n’uguze bakabyemerera imbere y’ubuyobozi hakabaho n’amasezerano?kuki bitakozwe?.

Uwatanze amafaranga nkuko muribubyumve mu nkuru ya Umusingi TV twaramuhamagaye kugirango twumve icyo abivugaho ibimushinjwa arangije atubaza aho turi turahamubwira ati “Niba mushaka amakuru mwajya aho ikibazo cyabereye ubuyobozi bukabaha amakuru nyayo”.

Kuki yanze kutwibwirira ubwe uko bimeze akatwohereza mu buyobozi ngo nibwo buzi ikibazo uko kimeze?Ese ubuyobozi bukizi neza kurusha we nyiri ubwite?.

Kubera inkuru iri ku Umusingi TV ntabwo hano twavuga byinshi ariko nibidukundira tuzashakisha uvugwa ko yatwaye icyangombwa cy’ubutaka agurije umuntu bank ramberi bityo twumve nawe icyo abivugaho mu buryo burambuye ariko dukurije uko yadukupye kuri Telephone birashoboka ko atazatwemerera ko duhura ariko tuzagerageza tumushakishe.Ibindi bwabyumva muri vedio .