Umuhanzi Theo Bosebabireba yongeye gupfukamira Imana nyuma yo gukubitwa n’ubuzima mu gihugu cya Uganda.

Umuhanzi Theo Bosebabireba yongeye gupfukamira Imana nyuma yo gukubitwa n’ubuzima mu gihugu cya Uganda. | Umusingi

Umuhanzi Theo Bosebabireba yongeye gupfukamira Imana nyuma yo gukubitwa n’ubuzima mu gihugu cya Uganda.

— November 30, 2020

Please enter banners and links.

Umuhanzi w’Umunyarwanda Theo Bosebabireba wakanyujijeho mu gukundwa cyane mu Rwanda ariko nyuma akazima mu kanya gato ubu yongeye gupfukamira Imana kugirango yongere asubire mu bihe byiza yahozemo.

Amakuru agera ku kinyamakuru Umusingi avuga ko Theo Bosebabireba ari mu gihugu cya Uganda muri Kampala ariko zimwe mu nshuti ze zivuga ko ubuzima bwa mukubise atagifite n’amafaranga yasohora indirimbo.

Ku munsi w’ejo ku cyumweru nibwo yashyize ifoto ye apfukamye asenga ndetse hariho amagambo nkuko muribubibone.

Umwe mu nshuti ze uba Kampala utashatse ko amazina ye atangazwa yaganiriye n’Ikinyamakuru Umusingi maze agira ati “Twirirwana hano za Rubaga muri Kampala ariko yarakubiswe sinziko yabona n’amafaranga yo gusohora indirimbo ariko azusubire mu Rusengero akorere Imana izongera imuzamure”.

Umunyamakuru wacu uri I Kampala yagerageje gushaka Theo Bosebabireba kuri Telephone ye igendanwa ariko ntibyamukundira kugirango tumubaze icyo yari agamije gushyira ifoto ye ku mbuga nkoranyambaga apfukamye arimo gusenga ariko ntibyakunda.

Ntabwo turamenya niba Theo Bosebabireba yarimukiye mu gihugu cya Uganda nyuma y’uko mu Rwanda yari atagitumirwa mu bitaramo no mu Nsengero kubera inkuru mbi zamuvugwaho kenshi cyangwa se yaragiye mu kazi ni tumubona tuzamuvugisha byose abidutangarize dore ko amaze igihe muri icyo gihugu cya Uganda.

Theo Bosebabireba

Undi mu bafana be nyuma yo kubona ifoto ya Theo Bosebabireba apfukamye asenga yavuze ko amusengera cyane kugirango abone umuterankunga amufashe kumuteza imbere muri muzika kuko ngo Theo Bosebabireba n’umuhanga kandi kuririmba neza arabishoboye ubu icyo abura n’ubushobozi kandi kuba yarakubiswe atakivugwa bibaho ku bahanzi benshi.

Noella

4,119 total views, 3 views today