umu amakuru- Arsenal yatsinze Manchester City, ikora amateka yo kugera ku mukino wa nyuma wa FA Cup inshuro nyinshi | Umusingi

Arsenal yatsinze Manchester City, ikora amateka yo kugera ku mukino wa nyuma wa FA Cup inshuro nyinshi

Please enter banners and links.

Kuwa 18 Nyakanga 2020 nibwo habaye umukino wahuzaga amakipe abiri Arsenal na Man City maze ibitego byombi byatsinzwe na Pierre-Emerick Aubameyang byafasha Arsenal gutsinda Manchester City 2-0, igera ku mukino wa nyuma w’irushanwa rya FA Cup.

Amakipe yombi yahuriye kuri Wembley Stadium yakira imikino itatu isoza iri rushanwa rya FA Cup kuva mu mwaka w’imikino wa 2007/08.

Ikipe zombi zatangiye umukino zisa n’izitinyana, ariko birangira Arsenal ibonye imahirwe kurusha Manchester City kuko yatsinze igitego cya mbere cya rutahizamu Pierre-Emerick Aubameyang ku munota wa 19, ku mupira wahinduwe na Nicolas Pépé.

Mu minota y’umukino yakurukiyeho Manchester City y’umutoza Pep Guardiola yatangiye igice cya kabiri isatira izamu rya Arsenal ishaka kwishyura, ariko uburyo bwabonywe n’abakinnyi bayo ntacyo bwatanze.

Ku umunota wa 71, Pierre-Emerick Aubameyang yongeye kureba mu izamu rya Manchester City, atsindira Arsenal igitego cya kabiri ku mupira yaraherejwe na Kieran Tierney.

Gutsinda uyu mukino byafashije Arsenal kugera ku mukino wa nyuma wa FA Cup ku nshuro ya 21, akaba ariyo kipe ihageze kenshi kurusha izindi ndetse niyo imaze kwegukana iri rushanwa kenshi (13).

Ku mukino wa nyuma, Arsenal izahura n’ikipe itsinda hagati ya Chelsea na Manchester United zihura kuri iki Cyumweru saa 19:00.

Bamwe mu bafana ba Arsenal bifuza guhura na Chelsea aho guhura na Man United kubera ko Man United ifitanye amateka na Arsenal yo guhangana guhera igihe cya Arsene Wenger na Sie.Alex Furgason.

 

 

97 total views, 1 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.