umu amakuru- Perezida Kagame yayoboye Inama Nkuru ya Gisirikare yabereye i Gako yambaye igisirikare nanone n’agapfukamunwa (Amafoto) | Umusingi

Perezida Kagame yayoboye Inama Nkuru ya Gisirikare yabereye i Gako yambaye igisirikare nanone n’agapfukamunwa (Amafoto)

Please enter banners and links.

Perezida Paul Kagame akaba n’Umugaba w’Ikirenga w’Ingabo z’u Rwanda, RDF, kuri uyu wa Gatandatu yayoboye Inama Nkuru ya Gisirikare yahuje ba Ofisiye bo mu Ngabo z’u Rwanda, yabereye mu Ishuri rya Gisirikare rya Gako mu Karere ka Bugesera.

Perezida Kagame nanone yari yambaye imyambaro ya gisirikare adakunda kwambara kenshi ku buryo hari abantu bavuga ko iyo yambaye imyambaro ya gisirikare biba byakomeye hari ikibazo gikomeye.

Ubwo aheruka kugaragara nanone ayambaye I Gabiro mu kigo cya gisirikare nabwo hari ikibazo cya Uganda n’uRwanda ubu bikaba bivugwa ko ari ikibazo cy’u Burundi n’uRwanda dore ko baherutse kurasana.

Ni inama yabaye mu gihe u Rwanda kimwe n’ibindi bihugu rwugarijwe n’icyorezo cya Coronavirus, ndetse yabaye hubahirijwe amabwiriza y’igihugu yo kwirinda iki cyorezo, aho abantu basabwa guhana intera hagati yabo.

Amafoto yatangajwe n’Ibiro by’Umukuru w’Igihugu, Village Urugwiro, agaragaza Perezida Kagame agera ahabereye inama yambaye agapfukamunwa nk’uko amabwiriza abivuga, ndetse abasirikare bakuru bari bicaye bahanye intera hagati yabo.

Ntabwo ingingo zaganiriweho muri iyi nama zari zatangazwa.

 

571 total views, 1 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.