umu amakuru- Nyagatare :Araburana ubutaka ko ari ubwe nyuma y’imyaka 7 kandi harakozwe ibarura ahari ntiyavuga ko ari ubwe ,abayobozi barashinjwa kurya ruswa | Umusingi

Nyagatare :Araburana ubutaka ko ari ubwe nyuma y’imyaka 7 kandi harakozwe ibarura ahari ntiyavuga ko ari ubwe ,abayobozi barashinjwa kurya ruswa

Please enter banners and links.

Mu Karere ka Nyagatare ,Umurenge waMatimba ,Akagali ka Kagitumba haravugwa amakimbira hagati y’umugabo witwa Bunani Denis n’umugore witwa Mukankwaya Xavera aho uyu Mukankwaya Xavera avuga ko ubutaka bwa Bunani ari ubwe.

Ikinyamakuru Umusingi nkuko mubizi aricyo cyonyine  kibagezaho inkuru z’akarengane n’inkuru za politike ,inkuru zicukumbuye bityo tukaba twacukumbuye inkuru ivugwa amakimbirane hagati ya Bunani uvuga ko ubutaka yabuhawe na Leta ndetse afite ibyangombwa byabwo mu gihe Mukankwaya Xavera avuga ko ari ubwe nta n’ibyangombwa by’ubwo butaka afite kandi ubutaka bubarurwa yari ahari ntiyavuga ko ubwo butaka bwa Bunani  ari ubwe ngo ashyirisheho itambamira ahubwo abaruza ubwe yahawe gusa.

Ikinyamakuru Umusingi Kuwa 17 Werurwe 2020 cyavuganye na Bunani kimubaza uburyo yabonye ubwo butaka n’inkomoko yabwo maze agira ati “Ubutaka bwari igisigarira njya kubusaba ndabuhabwa ndetse n’igihe ubutaka bwaburuzwaga narabubaruje mbona ibyangombwa byabwo kandi uwo mugore uvuga ko ubutaka bwanjye ari ubwe yari ahari kuki atavuze ati ubwo butaka baguhaye n’ubwanjye cyangwa agashyirishaho itambamira akaba aje ubu hashize imyaka 7 yose maze kubona ibyangombwa kandi yarabaga inaha?arabeshya rwose ahubwo afite ibindi yizeye ashaka kutwambura imitungo yacu kuko hari undi yagurishije abonye apfuye ashaka kwisubiza ubutaka kandi abizi neza ko yagurishije”.

Undi witwa Ndaribitse Jean Batiste yaguze ubutaka n’uyu Mukankwaya Xavera Ndaribitse amaze kwitaba Imana Mukankwaya asubira inyuma ashaka kwisubiza bwa butaka ubu nabwo akaba abuburana aho ikirega kiri mu Nkiko aho arega abantu babiri imitungo kandi abizi neza ko ubutaka bumwe yabugurishije ,ubundi avuga ko hari iwabo mu 1988 nta kigaragaza ko hari iwabo kandi Bunani aburara ubutaka yahawe na Leta akabubonera ibyangombwa Mukankwaya yari ahari ntiyavuga ko ubwo butaka ari ubwe ,ibi bigatuma abantu bavuga ko ashaka guhuguza imitungo y’abandi.

Mukankwaya Xavera

Aho umutekinisiye ushinzwe ubutaka ku Murenge yategetse Gitifu gukora umwanzuro bakawohereza ku Murenge

Icyemezo cy’ubutaka cya Bunani n’umugore we

Experitize yashyizwemo indi nzu ifite igitwe

Icyemezo cy’umugore wa Nyakwigendera wari waraguze ubutaka na Mukankwaya Xavera akaba ashaka kumwambura ubwo butaka

Ikinyamakuru Umusingi twashatse kubaza Mukankwaya Xavera ibibazo bitandukanye ku butaka bwa Bunani na Ndaribitse Jean Batiste witabye Imana impamvu atagiye kubarurisha ubuta yita ubwe ari ubwa Bunani ?Impamvu yagurishije na nyakwigendera agasubira inyuma agashaka kwisubiza bwa butaka kandi nyakwigendera afite umuryango?ese ko abaturage bavuga ko Umutara cyera wahoze ari Parike y’inyamaswa bo bahatuye gute?Ikindi ko abari batuye ku mupaka wa Kagitumba bavuga ko haturwaga n’abasirikare barindaga Duwane cyangwa umupaka nawe yari umusirikare?.

Twahamagaye Mukankwaya Xavera kuri Telephone ye igendanwa ntiyatwitaba ndetse tumwandikira ubutumwa bugufi nabwo ntiyabusubiza.

Ikinyamakuru Umusingi cyashatse kubaza ubuyobozi bw’Akagali ka Matimba umunyamabanga nshingwabikorwa witwa Mukarugwiza Oliver atubwira ko bagerageje gukemura ikibazo cya Bunani na Mukankwaya Xavera ati “Bunani avuga ko ubutaka yabuhawe na Gitifu wari uhari kandi tubajije abaturage bari bahatuye cyera niba bazi inkomoko y’ubwo butaka mbese byaraducanze natwe n’iyo mpamvu twabyohereje mu Nkiko”.

Mukarugwiza Oliver yavuze ko n’ubuyobozi bw’Akarere bwamanutse bukaza gukemura icyo kibazo aho Visi Meya ushinzwe ubukungu yaje ndetse ngo na Legal Adviser bituma dushaka kubaza Visi Meya w’Akarere ka Nyagatare witwa Rurangwa Stephen ariko nta gisubizo twabonye.

Twashatse no kubaza uwakoze ibaruramutungo (Experitize)witwa Eng.Baziki Eugen nyuma y’uko exiperitize iri mu rukiko harimo indi nzu idafite aho ihuriye n’ikibazo kivugwa akaba yaragize ati “Abo bagore batubwiye ko bashaka kumenya agaciro k’imitungo yabo ntabwo bigeze batubwira ko harimo amakimbirane kuko tuba twarakoze buri nzu ukwayo uretse ko twanashingiye ku nyandiko ya Akarere”.

Hari abaturage batifuje ko amazina yabo atangazwa bavuze ko ubuyobozi aribwo buteza amakimbirane kuko niba hari uwahawe ubutaka na Leta undi akavuga ko hari iwabo mbere y’Intambara buri umwe yakagombye kwerekana inkomoko y’ubutaka n’ibintu byoroshye gucyemura ariko kubera za ruswa ibibazo ntibikemuka kubera kwirengagiza ukuri.

Umwe muri abo baturage yagize ati “Musomye ibyo bita raporo y’abaturage mwahita mubonamo ruswa aho ivuga ko umutekinisiye w’Umurenge mu nama y’abaturage y’Akagali yategetse gitifu ko hakorwa raporo ikoherezwa ku Murenge.Nonese uwo mutekinisiye w’Umurenge yari yaje mu nama y’Akagali gute?ategeka Gitifu se gukora raporo ngo ayohereze ku Murenge gute?ibi byose turasaba Inkiko ko zishishoza iyi ruswa ikagaragara ndetse n’ukuri kukagaragazwa”.

Hari abadutangarije ko uyu mugore ashobora kuba azi gutanga ka bitugukwaha ndetse bikavugwa ko bamubonanye n’umwanditsi w’urukiko rw’Ibanze rwa Nyagatare batazi izina rye ariko na Bunani akaba yiyemeje guhangana nawe n’ubwo bizajya mu Nkiko za he avuga ko bazageranayo.

Kubera ko inkuru ari ndende cyane tukaba tuzabagezaho ikindi gice Mukankwaya Xavera niyemera kutuvugisha ndetse n’Ubuyobozi bw’Akarere kuko Visi Meya wakurikiranye icyo kibazo atatwitabye.

Gatera Stanley

1,028 total views, 1 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.