umu amakuru- Premier League ,UEFA Champions League, Europa League byahagaritswe | Umusingi

Premier League ,UEFA Champions League, Europa League byahagaritswe

Please enter banners and links.

Amakuru atashimishije abafana cyangwa abakunzi b’umupira ni uko amarushanwa akomeye ku mugabane w’Uburayi, arimo Shampiyona y’u Bwongereza na UEFA Champions League yabaye ahagaritswe mu rwego rwo kwirinda ikwirakwira ry’icyorezo cy’indwara ya coronavirus.

Coronavirus yemejwe nk’icyorezo cyibasiye Isi, imaze guhitana abantu barenga 4,749, mu gihe abayanduye bagera ku 129,590 mu bihugu 118. Muri bo 68,670 bamaze kuyikira.

Impuzamashyirahamwe y’Umupira w’Amaguru ku mugabane w’u Burayi, UEFA, yatangaje ko imikino y’amarushanwa yayo, Champions League na Europa League, yari iteganyijwe mu cyumweru gitaha, yose yasubitswe.

Ni imikino yo kwishyura muri 1/8 cya Champions League yari kuba ku wa 17 no ku wa 18 Werurwe 2020, aho Manchester City yari guhura na Real Madrid, Juventus igahura na Lyon, Barcelone ikakira Napoli mu gihe Bayern Munich yari kuzakira Chelsea.

Hari kandi n’imikino ya 1/8 yo kwishyura muri Europa League, yari kuzaba ku wa Kane utaha, tariki ya 19 Werurwe 2020.

UEFA yatangaje ko kandi na tombola y’icyiciro gikurikira, ¼, yari kuzaba ku wa Gatanu, tariki ya 20 Werurwe, na yo yasubitswe bitewe n’iki cyorezo cyibasiye Isi yose.

Impuzamashyirahamwe y’Umupira w’Amaguru i Burayi, yatangaje ko ku wa Kabiri utaha, tariki ya 17 Werurwe, hazaba inama yo kwiga uburyo amarushanwa yayo yakomeza kubamo cyangwa agahagarikwa. Ikazakorwa hifashishijwe amashusho (video conference).

Igikombe cy’u Burayi (EURO 2020) cyagombaga kuba mu mpeshyi, gishobora kwimurirwa mu mwaka utaha wa 2021.

Premier League yo mu Bwongereza nayo yahagaritswe

Nyuma y’uko umutoza wa Arsenal, Mikel Arteta, umukinnyi wa Chelsea, Callum Hudson-Udoi, bagarayeho coronavirus ndetse hakaba hari abakinnyi bashyizwe mu kato nyuma yo kugaragaza ibimenyetso, muri Leicester City na Everton, abayobora umupira w’amaguru mu Bwongereza bafashe icyemezo cyo guhagarika imikino kugeza tariki ya 3 Mata 2020.

Ishyirahamwe ry’Umupira w’Amaguru mu Bwongereza, FA, ryavuze ko kandi imikino ibiri iki gihugu cyari kuzakina n’u Butaliyani tariki ya 27 Werurwe na Denmark nyuma y’iminsi ine, yombi yabaye isubitswe.

Byitezwe ko Shampiyona y’u Bwongereza (Premier League) izasubukurwa tariki ya 4 Mata 2020.

Shampiyona ya Espagne, La Liga, iy’u Bufaransa, Ligue 1 n’iy’u Budage, Bundesliga, nazo zamaze guhagarikwa kubera coronavirus.

 

 

760 total views, 1 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.