umu amakuru- Ibibazo bya Uganda n’uRwanda bishobora gukemukira muri Angola nyuma y’uko Perezida Kagame na Museveni bahuriyeyo ? | Umusingi

Ibibazo bya Uganda n’uRwanda bishobora gukemukira muri Angola nyuma y’uko Perezida Kagame na Museveni bahuriyeyo ?

Please enter banners and links.

Perezida wa Angola, João Manuel Gonçalves Lourenço, yatumiye abakuru b’ibihugu barimo Félix Tshisekedi wa Repubulika Iharanira Demokarasi ya Congo, Paul Kagame w’u Rwanda na Yoweri Museveni wa Uganda mu nama iziga ku bibazo birimo n’iby’umutekano mu Karere.

Iyi nama iteganyijwe kubera mu Mujyi wa Luanda kuri uyu wa 12 Nyakanga 2019.

Minisiteri y’Ububanyi n’Amahanga muri Angola yatangaje ibinyujije ku rukuta rwayo rwa Twitter ko ingingo z’ingenzi zizaganirwaho mu mutima w’iyi nama zirimo “Umutekano n’ibibazo byo mu Karere.’’

Iyi nama yateguwe mu gihe umubano hagati y’u Rwanda na RDC wifashe neza ku butegetsi bwa Tshisekedi ariko ukaba urimo akangononwa hagati yarwo na Uganda.

Inama izahuza abakuru b’ibi bihugu yitezweho kuzaganirirwamo ibyo bibazo byose bibangamiye umutekano wo mu karere dore ko ibihugu byose binahuriye mu Muryango Mpuzamahanga w’ibihugu byo mu Karere k’Ibiyaga Bigari, ICGLR.

ICGLR yashyizweho mu 2006 nyuma y’ubusabe bw’imiryango mpuzamahanga irimo na Loni. Yahawe inshingano zo guhuza, kugenzura no korohereza ishyirwa mu bikorwa ry’ibijyanye n’amahoro n’umutekano mu karere.

Uyu muryango ugizwe n’ibihugu 12 birimo Angola, u Burundi, Centrafrique, Repubulika Iharanira Demokarasi ya Congo, Kenya, Uganda, u Rwanda, Sudani y’Epfo, Sudani, Congo Brazzaville, Tanzania na Zambia.

U Rwanda rusanganywe umubano na Angola ushingiye ku kubungabunga amahoro n’uburumbuke mu baturage babyo no mu karere biherereyemo.

Muri Gashyantare 2019, ibihugu byombi byashyize umukono ku masezerano y’ubufatanye mu gucunga umutekano no gukumira ibyaha bibangamira ituze ry’abaturage babyo.

Ikibazo gihangayikishije abantu kikaba ari ikibazo cyo gufunga imipaka ndetse n’abantu bavuga ko bahohoterwa n’inzego z’umutekano za Uganda kandi mbere abantu baregendaga nta kibazo kandi iki kibazo kikaba cyarateje ibihombo bikomeye abaturage mu bihugu byombi urugero nka Bus zatwaraga abagenzi kuba zitagenda ari nyinshi byateje ibihombo ku mpande zombi ,amacumbi abantu bararagamo Kampala ararira ibihombo n’abcuruzi muri rusange.

U Rwanda rushinja Uganda ko ishyigikira imitwe irwanya ubutegetsi nka RNC ya Gen.Kayumba Nyamwasa ko yitoreza muri Uganda ndetse na FDLR kandi bikavugwa ko iyo mitwe iri mu gihugu cya Congo ariyo mpamvu na Perezida wa Congo Félix Tshisekedi nawe yatumiwe kugirango baganire ku kibazo cy’umutekano muri rusange.

U Rwanda na DR.Congo na Angola bari baherutse gusinya amasezerano yo kurwanya imitwe yitwaje intwaro muri Congo ariko Museveni akaba atari ari muri ayo masezerano nyuma yo gusinya ayo masezerano ku bihugu twavuze Museveni yavuze ko ashaka kujya kurwanya ADF muri Congo aho abantu batangiye gucyeka ko intambara ya Congo ishobora kongera kuba nk’iyigeze kuba muri za 98 na za 2000.

 

 

1,335 total views, 1 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.