umu amakuru- Sankara wavugaga kuvugutira umuti usharira Leta y’uRwanda yeretswe itangazamakuru ariko yanze kuvuga umuti uwo ariwo ,ese yabujijwe kuvugisha itangazamakuru ? | Umusingi

Sankara wavugaga kuvugutira umuti usharira Leta y’uRwanda yeretswe itangazamakuru ariko yanze kuvuga umuti uwo ariwo ,ese yabujijwe kuvugisha itangazamakuru ?

Please enter banners and links.

Kuri uyu wa gatanu tariki 17 Gicurasi 2019 ku kicyacaro cya RIB Nsabimana Sankara Calixte yeretswe itangazamakuru ariko ntiyabwira itangazamakuru uburyo yafashwe ndetse ntiyavuga umuti yavugutiraga Leya y’uRwanda nkuko yabivugiraga ku maradio mpuzamahanga.

Hari hashize iminsi abantu bibaza niba Calixte Sankara koko yarafashwe nyuma ya RIB kubitangaza ko bamufashe bamufite.

Abanyamakuru bari bazindutse ari benshi nkuko bari batumiwe na RIB ko saa mbili za mugitondo aribwo bamwereka itangazamakuru ariko Sankara bamuzanye saa tatu zirenzeho iminota mike.

Umuvugizi wa RIB Mbabazi Modeste yanyuragamo akaza akereka abanyamakuru aho Sankara ari buhagarare ,akababaza niba ari sawa ndetse akanyuzamo akababwira ko igihugu kugifata byabavunnye ntwabigerageza ngo bimuhire akongera agasohoka akagaruka abanyamakuru camera bazerekeje mu muryango Sankara aribwinjiriremo.

Nsabimana Sankara Calixte wiyitaga Major azanywe kwerekwa itangazamakuru

Umuvugizi wa RIB Mbabazi Modeste yaje ati Sankara yanze kuvugisha abanyamakuru kandi n’uburenganzira bwe ,ubwo umwunganizi we mu mategeko niwe muribuvugishe kandi niko byagenze Sankara yaje afashwe n’abapolisi babiri umwe amufashe mukuboko kumwe undi afashe mukundi yambaye fime mu maso maze amwenyuraho gake maze baramufotora iminota itarenze 5 baba baramujyanye.

Nsabimana Callixte yari umwe mubagize umutwe wa Politiki ukorera mu buhungiro MRCD afatanyije na Paul Rusesabagina uba mu gihugu cy’Ububiligi, Sankara yavugaga ko ari umuvugizi w’umutwe w’Iterabwoba wa FLN, ndetse  yakunze kumvikana ku maradio akorera kuri internet na youtube, avuga ko bafite abarwanyi mu ishyamba rya Nyungwe.

Twifuzaga kumubaza niba koko abo barwanyi yavugaga bahari koko ariko kubera atavuzugishije itangazamakuru ayo makuru ntitwayamenye.

Nsabimana Sankara yigeze kuvuga bamubajije ko hari amakuru ko yaba yarafashwe maze avuga ko yabananiye akiba mu Rwanda ati ubu nibwo banshobora ati ahubwo ndimo kubavugutira umuti usharira.

Sankara Callixte yatawe muri yombi i Moroni muri Comoros kuwa 13, Mata 2019 , mugihe amakuru yatangiye guhwihwiswa no kuboneka ku mbuga nkoranyambaga ko uwari Umuvugizi w’ingabo za  FLN z’impuzamashyaka MRCD, Callixte Nsabimana Sankara,bivugwa ko yafatiwe mu birwa bya Comores biri mu Nyanja y’Abahinde Paul Rusesabagina yarabihakanye avuga ko icyo gihugu cyamwimanye.

Me Nkundabarashe yavuze ko umukiliya we Alias AKA Nsabimana Sankara  ameze neza, afite ubuzima bwiza, kandi ko ibyo akeneye byose abibona.

Ikiri gukorwa ubu ni ugukurikirana dosiye ye kandi umunsi dosiye izagezwa mu rukiko muzabimenyeshwa. Mbabazi Modeste, yavuze ko Sankara afunzwe byemewe n’amategeko.

Biteganyijwe ko agezwa mu bushinjacyaha bitarenze uyu munsi ku wa gatanu tariki 17 Gicurasi 2019.

Gatera Stanley

 

1,279 total views, 1 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.