umu amakuru- Ubudasa n’umwihariko by’ishuri rya College Doctrina Vitae (CDV) | Umusingi

Ubudasa n’umwihariko by’ishuri rya College Doctrina Vitae (CDV)

Please enter banners and links.

College Dotrina Vitae ni ishuri riherereye mu karere ka Gasabo, mu Murenge wa Ndera, ni ishuri rifite ubudasa ndetse ryihariye ku giti cyaryo kuko uretse kuba rifite amashuri yisumbuye (Secondaire).

Ni ishuri rinigisha Professional Courses (Amasomo y’igihe gito) mu kurema umukontabure w’umwuga (Comptable Professionel) n’andi masomo akigishwa mu buryo umunyeshuri arangiza afite ubumenyi bufatika kandi bwuje umuco n’imyifatire (Discipline) ndetse bikajyana n’icyerekezo cy’igihugu cyo kwigisha amasomo agezweho.

Iri shuri ryafunguye imiryango mu mwaka wa 2007, bivuze ko imyaka 11 yose yirenze iri shuri rikora. Muri iri shuri by’umwihariko harimo icyiciri cy’amashuri abanza (Primaire) guhera mu ishuri ry’incuke (Gardienne/Nursery School) kugeza mu mwaka wa Gatandatu.

Jules Sebanani, ni umuyobozi w’ishuri rya College Dotrina Vitae yaganiriye n’Umusingi.net atubwira ubudasa bw’ishuri abereye Umuyobozi n’andi mashuri menshi ari mu mujyi wa Kigali. 

Yagize ati “ ubudasa bwa College Doctrina Vitae Primaire n’andi mashuri ni uko hano twigisha umwana mu byiciri bibiri by’indimi, kuva muri Gardienne kugeza mu mwaka wa Gatatu umwana aba ari kwiga muri Systeme Francophone (Yiga mu rurimi rw’Igifaransa) yarangiza kuva mu mwaka wa Kane kugeza mu mwaka wa Gatandatu atangira kwiga muri Systeme Anglophone (Mu rurimi rw’Icyongereza)”. 

Uyu muyobozi akomeza asobanura ubudasa bwa College Dotrina Vitae n’andi mashuri avuga ko guhera mu mwaka wa Mbere w’amashuri yisumbuye, umwana yiga amasomo yose mu rurimi rw’Icyongereza ariko agatozwa kuvuga ururimi rw’Icyongereza, Igifaransa n’Igiswahili adategwa.

Jules Sebanani umuyobozi w’ishuri rya College Dotrina Vitae

Inyubako nziza z’ishuri

 

 Ubundi budasa bw’ishuri ryisumbuye rya College Dotrina Vitae ni uko higishwa Programu irimo Blended Program muri Curriculum, ni ukuvuga ko higishwamo amasomo mpuzamahanga hifashishijwe integanyanyigisho mpuzamahanga (International Curriculum), ibi nibyo bigaragaramo ubudasa bw’iri shuri n’andi mashuri asanzwe kuva mu mashuri yisumbuye kugeza mu cyiciro rusange (Tronc Commun).

Mu cyiciro cya Kabiri cy’amashuri yisumbuye aho umunyeshuri afata ishami akurikira (A Level), College Doctrina Vitae ni ikigo cyigisha Imari n’Ubukungu (Public Finance), ubu ni ubudasa iki kigo cyihariye kuko nta handi wabisanga. 

Mu bijyanye n’Imari n’Ubukungu, College Doctrina Vitae ifitemo ishami ry’imicungire y’Imisoro na Gasutamo (Custom and Tax Management), iri shami ryigishwamo uburyo ibicuruzwa byava mu nganda z’i Burayi, umunyeshuri akamenya kubikurikirana ku mipaka no mu nzira hose aho binyura, akabasha kandi gukurikirana imisoro igicuruzwa cyishyura ndetse no ku mipaka kugeza kigeze aho kigurishirizwa.

Muri iri shuri kandi akandi karusho, umwana arigishwa agasohoka ari umukontabure w’Umwuga (Professional Accountant) muri Professional Courses, ni ukuvuga ko umwana yiga mu nteganyanyigisho ihana ibiganza neza na AICPA kuko byaragenzuye bikorerwa ubugenzuzi by’umwihariko mu kigo cya College Dotrina Vitae cyonyine gihabwa kujya gitanga aya masomo dore ko usanga akenshi abantu batabona uburyo bayiga kuko aba ahenze cyane.

Mu kigo imbere uko hasa neza

Bityo ibi bikaba ubudasa bw’iki kigo ugereranyije n’ibindi bigo kuko nta handi umwana yakwiga agasohoka mu mashuri yisumbuye afite Certificate ya CPA/CAT (Certified Public Accountant/ Certified Accounting Technician) zikoreshwa kandi zemewe ku rwego mpuzamahanga, ibintu utasanga ahandi aho ariho hose kandi iyi Certificate ikaba ikoreshwa ku isi hose haba muri Amerika n’ahandi wakenera kujya kandi bakemera ko wize neza ndetse ufite ubumenyi muri aya masomo. 

Uretse uyu mwihariko kandi, College Dotrina Vitae ifite ubudasa no mu ishami ry’Ibaruramari n’Icungamutungo (Comptabilite) aho umwana wiga iri shami nawe yiga ishami rye anakurikirana izi professional Courses bityo agasohoka/akarangiza afite CAT (Certified Accountant Technician). 

 

Undi mwihariko iki kigo gifite Ishami ry’Ubwubatsi aho umwana asohoka azi kubaka bitari ibisanzwe byo kugereka ibuye ku rindi gusa kuko anongererwa amasomo ajyanye no gushyira amazi mu nzu, gushyira umuriro mu nzu, gucunga insinga z’imodoka, ibi byose umwana usohoka mu Bwubatsi arangiza abizi neza. 

 

Abajijwe abemerewe kwiga Professional Courses za CPA/CAT, Umuyobozi w’iki kigo yasubijwe ko ziri mu ngero ebyiri aho bahera ku banyeshuri babo ndetse bakanafata abarangije amashuri yisumbuye yewe n’abarangije Kaminuza kuko ushobora kurangiza Kaminuza uri umuscientifique ariko utari umutekinisiye bityo bose baraza bagakora ibizamini bya AICPA na bo bakabasha kubona izo Certificate gusa cyane cyane hafashwa abana bahiga ariko nta mupaka uriho.

 

Mu bijanye no kwiyandikisha kwiga mu kigo cya College Dotrina Vitae, Umuyobozi yavuze ko batangiye kwandika abifuza kuhiga aho guhera ku wa Mbere kugeza ku wa Gatandatu mu masaha ya mbere ya saa sita. 

Ku bijyanye n’imico n’imyifatire y’iki kigo, Umuyobozi yamaze impungenge abashaka kuhiga kuko yavuze ko ari ikigo cya Gikirisitu (Christian School) kandi Discipline yabo ikaba iri ku rwego rwo hejuru ugereranyije n’ahandi.

Yongeyeho ko no mu nyito y’ikigo “Doctrine Vitae” bisobanura ‘Uburezi isoko y’Ubumenyi’, bivuze ko iki kigo kidatanga ubumenyi budafite uburere by’umwihariko ibi byose bigashimangirwa n’uburyo abana bo muri iki kigo bitwara.

Iki kigo kandi kigira igihe cyo kuganira n’abana kiba buri cyumweru aho abana bavuga icyo batekereza bose hakanabaho kugaya akatagenze neza kugira ngo Discipline ishobore kunozwa neza. Buri gitondo kandi habaho isengesho rivuga ku ijambo ry’Imana mu gukomeza kurera neza ndetse binagaragarira aho abana ba Doctrina Vitae bakorera ibizamini kuko bashimwa na buri wese.

Uyu muyobozi asoza ikiganiro yagiranye n’Umusingi.net asaba abanyarwanda bose kugana ikigo cya College Dotrina Vitae kugira ngo bakomeze gufatanya mu gushimangira icyo Nyakubahwa Perezida wa Repubulika y’u Rwanda, Paul KAGAME yasabye cyo kongera ireme ry’uburezi ridasiba kugarukwaho.

Niba ushaka kwiyandikisha, kwandikisha umwana wawe cyangwa undi wese uzi ushaka ireme ry’uburezi, mwahamagara kuri izi nimero arizo: 0785700146/ 0785790121

 

 

 

 

629 total views, 3 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.