umu amakuru- Umunyeshuri yabujijwe gukora ikizamini cya Leta abeshyerwa ko afite indwara yo mu mutwe azira kwanga kugendera ku mahame ry’idini atemera. | Umusingi

Umunyeshuri yabujijwe gukora ikizamini cya Leta abeshyerwa ko afite indwara yo mu mutwe azira kwanga kugendera ku mahame ry’idini atemera.

Please enter banners and links.

Mu Karere ka Ruhango ku kigo cya Ecole Secondaire Murama umunyeshuri witwa Kizere Sebahinzi yabujijwe gukora ikizamini cya Leta cyatangijwe uyu munsi tariki 20 Ugushyingo 2018 mu Rwanda hose akaba yabujijwe kubera ko yanze gukurikiza amabwiriza y’Idini rya Abadeventisite bamubeshyera ko afite indwara yo mu mutwe.

Umubyeyi wa Kizere witwa Sibomana Jean Bosco yatangarije Ikinyamakuru Umusingi kuri Telephone ye igendanwa avuga ko agiye kurega iki kigo mu Nkiko ndetse kimusubize amafaranga yose yarishye n’indishyi z’akababaro kubera  cyahohoteye umwana we kikamwambura uburenganzira bwo gukora ikizamini cya Leta.

Sibomana Jean Bosco yagize ati “Umwana wanjye ntago namwohereje kujya kwiga iby’Amadini sinzi impamvu bashaka kumuhatira idini ajyamo batanambajije kandi ndumva ibyo bitabuza umwana wanjye gukora ikizamini cya Leta bamubeshyera ngo arwaye mu mutwe kandi bataramujyanye kwa muganga ngo muganga abyemeze ,Ako kazu kabo gakwiye gushira kandi bakabihanirwa kuko ntago byumvikana kwitwaza idini ukabeshyera umwana wanjye ngo arwaye mu mutwe kandi ari muzima bakamubuza gukora ibizamini bya Leta”.

Umwana ari kumwe na Papa we 

Sibomana akomeza avuga ko umwana we babanje kumwirukana amara ukwezi kose ari mu rugo ari muzima babonye ibizamini byegereje barambwira ngo mugarure ,umwana asubira ku ishuri kuki se batambajije niba umwana naramuvuje?bambwiraga kumugarura se baziko yakize?none batangiye guhimba imitwe kugirango babone uko bamubuza gukora ikizamini cya Leta bagamije kumusibiza no kumpobya gusa.

Ikinyamakuru Umusingi kimaze kumva ibyo umubyeyi wa Kizere avuga cyashatse kubaza umuyobozi w’ikigo cya Murama witwa Theophile Gatera icyo avuga ku kibazo cy’umwana wabujijwe gukora ibizamini bya Leta nk’abandi kandi ntacyo abuze ahubwo bivugwa ko azira kuba adakurikiza amahame y’Abadive (Adventist)maze avuga ko ayo makuru atayazi ko we yagiye guhagararira indi site ikorerwaho ibizamini.

Tumubajije tuti ko umubyeyi avuga ko mwavuze ko umwana we afite uburwayi bwo mu mutwe mwabibwiwe n’iki ko arwaye mu mutwe mutaramujyanye kwa muganga ngo muganga abe ariwe ubyemeza? Avuga ko ayo makuru ntayo azi.

Kabalisa Emmanuel ushinzwe uburezi mu Karere ka Ruhango

Ikinyamakuru Umusingi cyashatse kumenya uhagarariye uburezi mu Karere ka Ruhango witwa Kabalisa Emmanuel niba ayo makuru ayazi ariko ntibyadukundira kuri Telephone ye igendanwa ariko tumwandikira ubutumwa bugufi ndetse no kuri watsap ye ariko ntiyadusubiza.

Amakuru avuga ko umwana wangiwe gukora ikizamini bavuga ko arwaye indwara yo mu mutwe yabanje kugirana ikibazo na mwarimu amuteza pasiteri nawe amuteza umuyobozi w’ikigo bamuhimbira ko yarwaye indwara yo mu mutwe kandi nta muganga wabyemeje nkuko umubyeyi we yabitubwiye aribyo avuga ko ari akazu bakora ko kwirukana abadakurikiza idini ryabo.

Kuko abavuga ko arwaye indwara yo mu mutwe bakaba bavuga ko wenda yakuyemo imyambaro ,cyangwa akarwana cyangwa yakwinjira mu kizami akagica cyangwa akajunjama ntakore nta navuge uretse ko byose bisaba muganga kwemeza uburwayi ubwo aribwo.

Gatera Stanley

519 total views, 3 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.