umu amakuru- Museveni yatumije ba maneko bakomeye ku isi bo mu Bwongereza kumenya abishe Andrew Felix Kaweesi | Umusingi

Museveni yatumije ba maneko bakomeye ku isi bo mu Bwongereza kumenya abishe Andrew Felix Kaweesi

Amakuru aturuka mu gihugu cya Uganda ni uko Perezida Museveni yatumije ba maneko cyangwa ba mbega kugirango bamufashe kumenya abishe Andrew Felix Kaweesi.

Aba bamaneko cyangwa intasi bitwa Scotland Yard bakaba bazwiho guperereza no gukora ubutasi ku bwicanyi buba bwakozwe ku rwego rwo hejuru bakamenya ukuri ikaba ariyo mpamvu Perezida Museveni yabatumije kugirango hamenyekane abishe uwahoze ari umuvugizi wa Polisi ya Uganda Andrew Felix Kaweesi.

Scotland Yard kuva yatangira mu 1829 bivugwa ko yifashishijwe mu bihugu bitandukanye ndetse bikavugwa ko nta perereza rirayinanira ku buryo aribyo byatumye Perezida Museveni ahitamo kuyizana muri Uganda.

Minisitiri w’umutekano mu gihugu Gen.Elly Tumwine yabwiye bimwe mu binyamakuru byo muri Uganda ko bazabwira igihugu mu buryo bweruye aba Scotland Yard batangiye akazi.

Ibi byo kuzana Scotland Yard byaje nyuma y’uko akanama kayobowe na Perezida Museveni kitwa National Security Council (NSC) kasuzumye ubuhamya butandukanye bari bakusanyije harimo n’amajwi yafashwe ku matelephone y’abayobozi bakuru muri polisi ntibabwemera neza bahitamo kuzana Scotland Yard.

Andrew Felix Kaweesi akaba yarishwe mu kwezi kwa gatatu tariki  17, 2017 ubwo yari avuye iwe mu rugo mu gitondo agiye ku kazi yicwa arashwe amasasu arenga 30 n’umushoferi we wari muri uwo mugambi ndetse n’umupolisi wamurindaga.

Umugore wa Kaweesi

Amakuru aravuga ko Scotland Yard bazabaza abakekwa kwica Kaweesi barimo abapolisi bakuru ndetse na Umuhoza Christine wari inshuti ya Kaweesi n’ubu akaba agifungiye iwe mu rugo ndetse na Rwogamutyarize Kiiza uzwi nka Rasta uvuga ko ariwe watwaraga imwe muri moto zakoreshejwe mu kwica Kaweesi.

Aba CMI na ISO bafashe  ba ofiisa ba poliisi n’abasirikare barimo Herbert, Muhangi wari ukuriye  Flying Squad, Richard Ndabwoine, Col. Ndahura Atwooki, Lt. Col. Peter Musherure wari wungirije Gen. Kayihura, Martin Kimbowa, Moses Kasiba, Abel Kitagenda. 

Abandi bafashwe mbere harimo Nixon Agasirwe wari ukuriye gushakisha ku byaha bitandukanye muri poliisi, Faisal Katende na Abel Tumukunde aba Flying Squad na

Joel Aguma wari uyoboye ishami rishinzwe imyitwarire muri polisi bakaba bacyekwaho gufata impunzi z’Abanyarwanda ku ngufu zikagarurwa nkuko Bukkede ibivuga.

Amakuru avuga ko Scotland Yard izabaza buri umwe wese wari warafashwe ndetse banasubire aho Kaweesi yiciwe babaze buri umwe wese ufite icyo apfana na Kaweesi n’amajwi yafashwe ku matelephone byose babone kumenya abishe Kaweesi.

 

Amwe mu majwi yafashwe kuri Telephone z’abayobozi ba Polisi aho Gen.Kayihura yabazaga Muhangi ngo Kaweesi niwe upfuye?undi nawe ngo amusubiramo ngo yes yes .

Ayo majwi yose yahawe abahanga muri Makerere University ndetse yoherezwa no mu Misiri kugirango babafashe kumenya banyiri ayo majwi kuko ISO na CMI bakekaga ko abahawe badafite ubushobozi ariko Museveni akaba yarahisemo aho gushidikanya kuzana Scotland Yard ikabirangiza dore ko n’umugore wa Nyakwigendera nawe avuga ko afite ubuhamya bw’urupfu rw’umugabo we kuko hari amatelephone yahamagaraga umugabo we bari kumwe.

Muhungu John

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.