umu amakuru- Igitaramo cya Bobi Wine cyari cyarahagaritswe na Polisi cyo gushyira kumugaragaro indirimbo ye Kyarenga kitabiriwe cyane bamwe baraye aho kibera. | Umusingi

Igitaramo cya Bobi Wine cyari cyarahagaritswe na Polisi cyo gushyira kumugaragaro indirimbo ye Kyarenga kitabiriwe cyane bamwe baraye aho kibera.

Amakuru aturuka Busabala One Love Beach aho igitaramo cya Bobi Wine kirimo kubera uyu munsi tariki 10 Ugushyingo 2018 kitabiriwe cyane ndetse abantu bakaba barayeyo batanguranwa imyanya.

Iki gitaramo cyagombaga kubera Namboole Stadium ariko kubera impamvu za politike kirahagarikwa bamubwira ko Stade izaberamo ubukwe kuri uwo munsi n’ubwo nta bukwe bwabaye.

Abacuruza ingofero za People Power bari bazanye nyinshi

Bobi Wine amaze kubona ko abafana be bashaka ko igitaramo kiba yabonye ntahandi yabona ahitamo kugikorera kuri Beach ye yitwa Busabala One Love Beach kuko naho ni hanini cyane.

Umwe mu bakunzi ba muzika uri muriu icyo gitaramo yatubwiye ko mu gihugu cya Uganda abahanzi bamaze gufatisha akora igitaramo kimwe akabona amafaranga menshi cyane kurusha mu Rwanda bikiri inyuma cyane.

Uwo muntu utashatse ko amazina ye atangazwa yagize ati “Abahanzi bo muri Uganda bazi gushyigikirana no gufashanya gutabarana kandi bazi gukoresha itangazamakuru aribyo bibafasha kugera aho bageze ubu hashimishije”.

Umutekano wari ucunzwwe neza cyane polisi yari yasutse ari benshi cyane n’abasirikare basanzwe ndetse na Bobi Wine yakodesheje ikigo cyitwa AWUPA nacyo gicunga umutekano ndetse bafite n’Abamaline bacunga umutekano ku mazi kubera Beach ya Bobi Wine hari amazi ku buryo abantu bashobora kurwana bakagwa mu mazi cyangwa abashaka guteza ibibazo bakaba batamo abantu ariko byose byari biteguwe neza.

 

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.