umu amakuru- Umuvugizi wa ADEPER Karuranga yahaswe ibibazo n’urukiko agenda urubanza rutarangiye kubera ubwoba. | Umusingi

Umuvugizi wa ADEPER Karuranga yahaswe ibibazo n’urukiko agenda urubanza rutarangiye kubera ubwoba.

Urukiko rwisumbuye rwa Gasabo kuri uyu wa Gatanu tariki 9 Ugushyingo 2018 rwasubukuye urubanza ruregwamo abantu 12 mu bahoze ari abayobozi b’itorero rya ADEPER, bashinjwa ibyaha birimo kunyereza umutungo no gukoresha inyandiko mpimbano.

Mbere yo gutangira iburanisha Rev. Karuranga Ephreim yabwiwe ko atahamagajwe mu rubanza nk’umuburanyi ahubwo ko ari umutangabuhamya, mbere gato abanza kurahirira ibyo agiye kuvuga.

Umucamanza yajijeje Rev. Karuranga niba yazanye Rapport y’Umugenzuzi w’Imari wigenga Rev.Karuranga ati “Ntayo nazanye kuko ntayo nabonye muri Archives.”

Yakomeje amubaza niba inama zakorwaga n’abayobozi ba ADEPR yarazitabiraga avuga ko yazijyagamo. Umucamanza yamubajie niba yemera Rapport yakozwe n’Umugenzuzi w’imari wigenga asubiza ko ayemera.

 

Mu iburanisha riheruka Urukiko rwari rwatumijeho Umuvugizi mukuru wa ADEPER Rev.Karuranga Ephraim kugirango urusobanurire ibivugwa mu Itorero ayoboye bijyanye n’igenzura ry’umutungo uvugwa wanyerejwe kandi hari aho nawe yemeje akabisinyira ko nta kibazo cy’umutungo wanyerejwe kandi akaba ari we urega ibyo yasinyiye ko nta nyerezwa ry’umutungo ryabayeho.

Umucamanza yamuhase ibibazo aho yamubajije ati raporo uremera ko wayisinyeho ko nta nta mafaranga yanyerejwe?undi nawe arabyemera ko yasinye ,akomeza amubaza n’ibindi bibazo byinshi.

Rev.Karuranga Ephreim umuvugizi mukuru wa ADEPER

Abaregwa bari mu rukiko baburana (Photo internet)

Umunsi w’ejo mu rukiko

Rev Karuranga yasabwe no kugaragaza ayo magenzura yakozwe mbere akerekana ko nta nyerezwa ryabaye, avuga ko yayashakishije mu bubiko akayabura maze Sibomana Jean wahoze ayobora ADEPER avuga ko yazanye ibyo ashaka bimufasha ,mu gihe Tom Rwagasana yavuze ko dosiye zibikwa ahantu habugenewe nta buryo zabura.

Nyuma y’akanya ahagaze imbere y’umucamanza asubiza ibyo yamubazaga ,Umucamanza mbere yo kwakira abahagarariye ADEPER mu mategeko kuba ijambo ,Umucamanza yabwiye abarega n’abaregwa kwicara maze Rev.Karuranga acunga umucamanza atamureba ahita asohoka aragenda urubanza rutararangira.

Dove hotel ivugwa mu rubanza

Abaregwa ni Sibomana Jean, Tom Rwagasana, Mutuyemariya Christine, Sebagabo Leonard, Sindayigaya Theophile, Gasana Valens, Niyitanga Straton, Beninka Bertin, Mukabera Lynea, Twizerimana Emmanuel, Nzabarinda Tharcisse na Mukakamari Mediatrice.

Tom Rwagasana agezweho yavuze ibintu byatumye abari mu rukiko basakuza kubera ibyo yabazaga urukiko ati ni gute Umuvugizi wa ADEPER asinya ko nta mafaranga yanyerejwe nyuma yo kugera kubuyobozi akaba ariwe urega ko abari abayobozi banyereje amafaranga ?.

Bimwe mu bimenyetso Ikinyamakuru Umusingi cyacukumbuye kikabibona byerekana ko ADEPER yemeje raporo yigenzura mutungo ikemeza ko ntakibazo cy’amafaranga yanyerejwe

Rev.Karangwa John nawe murabona ko yasinye

Ngiyo raporo yasinywe yemeza ko nta nyerezwa ry’amafaranga ryabaye na Rev.Karuranga murabona ko yasinye

Rwagasana Tom yongeye abaza umucamanza ati ni kuki hakozwe urutonde rw’abashinjwa kunyereza amafaranga basaba ko bose bishyuzwa ayo mafaranga kandi abandi bari kuri urwo rutonde bakaguma mukazi ndetse bamwe baje mu rukiko mu modoka z’akazi kuki ari twe abantu 7 gusa kandi urutonde ruriho abantu 34 .

Ubushinjacyaba bubarega kunyereza 2 366 708 946Frw nk’uko byagaragajwe muri raporo y’umugenzuzi yakozwe nyuma y’ifatwa ry’abo bayobozi umwaka ushize bivugwa ko yari inguzanyo yafashwe muri BRD yo kubaka Dove hotel iri ku Gisozi kandi ikaba yarubatswe ariko abari abayobozi bafatwa batararangiza uwo mushinga ariko bakavuga ko bishyuraga bank nta birarane bari bafite.Ideni rya Miliyari 3 n’andi arenga  ryagombaga kwishyurwa mu myaka 10 ariko biza kuba umwaka umwe nkuko byavuzwe mu rukiko .

Amakuru tugicukumbura ni uko igenzura ryakozwe n’ikigo cyitwa GPO Partners Ltd ,rikaba ryakozwe Kuwa 31/5/2017 abaregwa bamaze gufatwa bagafungwa ariko mbere ayabaga yose yaragaragazaga ko nta nyerezwa ry’amafaranga ryabayeho ari nabyo bifata umuyobozi wa ADEPER Karuranga n’umwungirije Karangwa John kuko nawe yarasinyaga.

Turacyakurikirana iby’iki kigo cyakoze igenzura kuko amakuru avuga ko hari ikigo cyabanyakenya cyari cyapiganwe kandi cyaciye macye ariko nticyatsinda kubera impamvu tugicukumbura tuzabagezaho vuba.

Ikindi cyavuzwe mu rukiko n’ikitwa Forensci Audit abahagarariye abaregwa bavuga ko yagasabwe gukurwa n’ubushinjacyaha ariko ikigaragara ni uko ADEPER yandikiye ikigo cya GPO Partners isaba ko iyo Audit ikorwa bakaba bavuga ko nabyo byakozwe mu buryo bunyuranije n’amategeko basaba urukiko kuzabisuzuma.

Umwunganizi wa Rwagasana Tom ahawe ijambo yavuze ibintu byinshi agaragaza ko umukiriya we arengana anavuga ko hari ibintu yumva ngo Abakirisitu barababaye basaba indishyi z’akababaro aho yavuze ko abakirisitu ko ari benshi nawe ariwe batandukanye bate abakirisitu ,abanyamuryango na ADEPER ko ari imvugo zikoreshwa mukujijisha abantu.

Ikindi uwunganira Salto nawe akaba yavuze ko Dove hotel ifite ubuzima gatozi bwayo ADEPER atariyo ikwiye kurega ko ubwayo ikwiye kuba yaratanze ikirego cyayo basaba urukiko kuzabisuzuma.

Bamwe mubo twaganiriye kuri iki kibazo batashatse ko amazina yabo atangazwa batubwiye koi bi byose birimo kuba bituruka muri Nzahura torero ngo kuko abarwanyaga abaregwa ubu bahawe akazi mu buyobozi buriho ubu muri ADAPER  tukaba tuzabibagezaho tumaze kuvugana nabo.

ADEPR yaregeye indishyi z’akababaro zisaga miliyari imwe, inasaba asaga miliyari ebyiri z’inyishyu y’igihombo cyaturutse ku mitungo bavuga ko yanyerejwe ndetse n’arenga miliyoni 80 y’ikurikiranarubanza.

Abaregwa bose bahakanye ibyaha byose bashinjwa ndetse bavuga ko batemera ibihano basabiwe ndetse ko batemera gutanga indishyi kuko nta byaha bakoze maze basaba ubutabera kubarenganura. Umucamanza yavuze ko urubanza ruzasomwa ku itariki 07 Ukuboza 2018 saa munani .

Gatera Stanley

 

 

 

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.