umu amakuru- Opinion:Ibinyoma bikomeye mu guhemba abanyamkuru no kubeshya ko ryateye imbere bigamije kurirandura burundu,kuki inkuru zatsinze ziterakanwa? | Umusingi

Opinion:Ibinyoma bikomeye mu guhemba abanyamkuru no kubeshya ko ryateye imbere bigamije kurirandura burundu,kuki inkuru zatsinze ziterakanwa?

Views:
215

Nabuze aho mpera kunenga ibihembo byahawe abanyamakuru kubera agahinda mfite ko kubona umwuga nkunda ugiye kurunduka burundu hejuru y’ibinyoma by’abagamije kurirandura aho kuriteza imbere.

N’ubwo nandika igitekerezo cyanjye nerekana ibimenyetso bifatika ko bamwe mu bayobozi bashinzwe guteza imbere itangazamakuru ahubwo mbona rigiye kurunduka burundu aho kuriteza imbere.

Ndahera ku binyoma bikomeye inzego zitandukanye nka RGB,MHC ,RMC ,ARJ ,Abaterankunga batandukanye cyane cyane Swidesh Embassy ,kuko bose ibyabaye ku munsi w’ejo Kuwa 7 Ugushyingo 2018 babigizemo uruhare babeshya ngo itangazamakuru ryateye imbere.

Kugeza ubu sindumva abantu babayobozi batinyuka bakabeshya ngo itangazamakuru ryateye imbere kandi hari ibigo by’itangazamakuru bifunga ,ubwo se ibitangazamakuru gufunga n’iterambere?.

Kigalitoday yirukanye abanyamakuru ,Izuba Rirashe ryarafunze,The Newtimes irirukana ,Amaradio ni uko ,Kfm ni uko ,Lemigo TV byaranze igurwa n’abandi, sindiburondere imbuga (Websites)igitondo.com,rumalex.com,umuhanzi.com,imbere.com,n’izindi nyinshi,iryo n’iryo terambere bavuga?.

Icyo ni kimwe nshaka ko aba bantu bamenya ko ikinyoma cyabo cyamenyekanye noneho,hanyuma mu gutang ibihembo naho numiwe rwose ku buryo nabanje gutekereza ko ari umuhango wo wo gukiza abo bishakiye ariko nsanga nabyo bitakwitwa gukiza cyeretse nk’uwabaye umunyamakuru w’umwaka kuko yahawe ibihembo byinshi bivuze ko n’amafaranga ari menshi.

 Iyo biba guhemba abanyamakuru batsinze koko baba batweretse inkuru zatsinze tukazimenya ariko guhamagara umuntu ngo uyu niwe watsinze utazi ngo inkuru yakoze yitwa gutya yavugaga ibi n’ibi n’uwayikoze bakamuha ijambo akatubwira impamvu yahisemo gutanga iyo nkuru gupiganwa.

Dona Mbababzi yabaye umunyamakuru w’umwaka ahembwa ibihembo 3 nkuko n’abandi bikunda kugenda ariko nawe ntankuru ye twabonye

Umuyobozi w’agateganyo wa RGB amuha sheki y’amafaranga

Ukuriye itsinda ry’abahitamo inkuru zihembwa

 Ntago ikipe yahabwa igikombe itakinnye natwe ntago turi abaswa ku buryo uza ukavuga ngo kanaka yatsinze kandi utatweretse icyatumye atsinda ,icyo n’icyo kinyama gikomeye nshaka ko aba bantu bamenya ko abanyamakuru benshi batishimiye iyi mikorere.

Itangazamakuru riteye imbere twabona hari abanyamakuru benshi bahembwa neza ku kwezi ariko mu gihe umuyobozi wa RMC Mugisha avuga ko bakira ibirego by’abanyamakuru barega ba sebuja ko batabahemba ndumva iryo atariryo terambere mu itangazamakuru.

Hari ibindi numvaga abanyamakuru bavuga ngo kuki ibihembo byinshi bitwarwa na RBA na The New Times ,Igihe kandi bihabwa amafaranga bazahinduye izina bikitirwa ibihembo by’ibyo bigo n’ibindi bifite ukuboko kubifasha abandi tukajya tujya kwirebera n’ubundi ko ibintu bijya aho ibindi biri ,mbabwira ko ibyo njye nta kibazo mfite ahubwo hatabayeho guhembwa bitekinitse byuzuyemo ibinyoma n’ibindi byakemuka. 

  Itangazamakuru mu Rwanda no ku isi hose ni inkingi ya mwamba yifashishwa mu miyoborere y’abaturage ,haba mu kubahuza n’abayobozi mu buryo ubu cyangwa buriya kimwe no kumenyekanisha ibyo buri ruhande rukora byaba ku ruhande rw’abaturage kimwe no ku ruhande rw’ubutegetsi.
Umurongo wo guhagarara hagati y’impande zikorana umunsi ku wundi si ikintu cyoroshye kuko uko ikiremwamuntu kiremwe hari ubwo usanga kenshi na kenshi hajya habaho gushaka kwiharira urubuga .

 Ikindi mvuga n’uburyo numvise uwitwa Clement niba ariwe Kirenga  ukora muri Ambasade ya Suede hari ahantu yavuze ngo u Rwanda n’igihugu gito inkuru zicukumbuye abanyamakuru kuzibona ntibyaborohera kubera ko amakuru yose polisi iba yahageze ati guhisha amakuru mu gihugu nk’uRwanda bitoroshye.

Ese umuntu wabayeho umunyamakuru akwiye kuvuga ngo mu Rwanda ntago abantu bahisha amakuru ku buryo itangazamakuru ryacukumbura rikayamenya kubera ko polisi ihari?umuntu nk’uwo akaba ari no muri Jiri cyangwa Judges?birababaje .

Ikindi nanone nanenze n’uburyo abahitamo izo nkuru (Judges) bazihitamo kuko usanga aria bantu n’ubundi badashobora guhitamo inkuru ivuga ibitagenda kandi ahandi iyo nkuru iba ifite agaciro gakomeye kuko ibitagenda n’inyungu za rubanda ,urugero niba hari imihanda mu Karere runaka y’ubutswe nabi cyangwa nta mashuri ahagije ukabyandika uba ugomba guhembwa kuko uba wavugiye rubanda ariko guhura ushimagiza ntekereza atari umuco mwiza ari nayo mpamvu nabonye Perezida asigaye abyanga.

Ese ubundi aba Judges bashyirwaho na nde?  Kuki bahora ari bamwe?ese bazi impande zose z’itangazamakuru ryaba iryigenga cyangwa irya Leta?Ese bazi ko hari ibinyamakuru bihabwa amafaranga n’ibitayahabwa ku buryo guhitamo inkuru y’umunyamakuru ukora hamwe muri aho bifite itandukaniro?.

Icyanshimishije ni uko abanyamakuru bivugiraga bati bazategure deba cyangwa debate abavuga ko itangazamakuru ryateye imbere babyerekane natwe abavuga ko ryasubiye inyuma tubyerekane kumugaragaro turebe ko twe abavuga ko ryasubiye inyuma badutsinda.

Nabonye hari abayobozi bavuga ko bishimiye ko nta banyamakuru bafunzwe ariko umuyobozi w’Ikinyamakuru Igisabo arafunze ,Umunyamakuru Fatty arafunze ubwo se barashaka kubihakana?hari abandi batatu bakoraga ku rubuga rwa  youtube Iwacu nabo n’abanyamakuru.

Ubu nandika ibi hari impaka nyinshi mu banyamakuru ariko abenshi baravuga ko batazi abahawe ibihembo niba baratsinze kubera ko nta nkuru cyangwa ibiganiro byatsinze byerekanywe byibuze abantu bakamenya uwatsinze n’inkuru yakoze ariko mugihe abantu batazibonye bashingiye kuki bahemba?.

Ntago kwirirwa mu cyumba cy’Inama cya Serena twumva ibinyoma gusa ahubwo ibyaba byiza ni uko twahirirwa mutwereka inkuru yarushije izindi ubwiza n’ibiganiro byabaye byiza tukabireba naho guhemba abantu tutazi inkuru zatsinze tutazireba. 

Ikindi kimaze kundambira n’uburyo numvise Mugisha Emmanuel wayoboye ikiganiro ejo avuga ngo abanyamakuru bahabwa Giti cyangwa ngo abayobozi b’ibitangazamakuru baha abanyamakuru mikoro ngo bakababwira kwishakira imibereho nonese Nyakubahwa ko ariyo politike y’itangazamakuru uragirango bakore iki?.

Ese ko uri umuyobozi ukora iki kugirango izo Giti uvuga zicike?cyangwa abo bayobozi uvuga b’ibitangazamakuru ngo baha mikoro abanyamakuru ngo bishakire imibereho ukora iki kugirango bicike?.

Nakunze Berna Namata wavuze ati itangazamakuru rikwiye guhabwa amafaranga ku misoro y’abaturage kandi ubushake bwa politike (political will) y’itangazamakuru iramutse ihari ryatera imbere.

Nakunze na Arther Asiimwe umuyobozi wa RBA wavuze ko itangazamakuru ari ubucuruzi abantu bikwiye kurishiramo amafaranga kuko rikorera rubanda kandi ryacuruza rikunguka abarishoyemo amafaranga akagaruka n’abanyamakuru bakabahoi neza.

Nakunze umuyobozi wa Africa 24 CONSTANT NEMALE yavuze ko abanyamakuru akoresha abahemba neza badakwiye gufata amafaranga yitwa Giti abimenye yabirukana ariko abahano birirwa baririmba abanyamakuru barya giti ngo self sencership ,ubwoba n’ibindi ukagirango byabaye indirimbo ,kuki mudashaka ibisubizo by’ibibazo mwirirwa muvuga.

 Uwakwandika ibibazo biri mu itangazamakuru yakwandika igitabo reka ndekeraho kuko icyo nabibutsa iki n’igitekerezo cyanjye uko byumva ntago ari ihame ko ibitekerezo byanjye ari itegeko ariko ushobora gusoma ukumva ibyo mvuga aribyo cyangwa ataribyo n’uburenganzira bwawe wowe usoma guhitamo.

 Ikindi nta muntu nibasiye ahubwo navuze ukuri kandi bwa bwisanzure bw’itangazamakuru abo navuze ntibagirengo n’ikindi ahubwo bumve ko ari uburenganzira bwanjye gutanga ibitekerezo uko inshingano zabo zikwiye gukorwa kandi nabo bafite uburenganzira kwandika.

Sinavuze ku binyamakuru byahembwe bitakibaho ,sinavuze kuri Media High Council ihugura abanyamakuru ariko guhugura abanyamakuru bacukumbura (Investigators)batajya bahugurwa umuyobozi wayo akaba yaravuze ko impamvu ari uko bihenze kandi abataerankunga bahari n’ibindi byinshi nzagarukaho ubutaha.Sinavuze ku muyobozi wagateganyo wa RGB wavuze ko ibibazo biri mu itangazamakuru bishyize hamwe bagakora SACCO nkuko abasirikare babikoze cyangwa abarimu ariko Leta yaribashyigikiye ariko itangazamakuru Leta inyungu irifitemo zirabarwa kuko yakabaye ireka amasoko agapiganwa kumugaragaro ,abashaka kwamamaza bakamamaza ah bashaka .

Sinavuze ku binyamakuru byandika bitakiboneka ku isoko kubera ubukene kandi havugwa ko itangazamakuru ryateye imbere nkibaza ukuntu itangazamakuru ritera imbere kandi abarikora bataka ubukene n’ibitangazamakuru bifunga.

Peacemaker Mbungiramihigo uyobora Media High Council ufite mikoro

List of awardees:

Feature, documentary/ Magazine: TV: Didier Ndicunguye RBA RC Rusizi

Popular TV Talk show: Ntugasaze Muzehe Quiz (TV One)

Business, Finance and Economics: Marie-Anne Dushimimana (The New Times)

Investigative Journalism award: Janvier Nhimiyumukiza (Izuba Rirashe)

News reporting award: Latifah Akimana (RBA)

Photographer of the Year: Plaisir Muzogeye (Kigali Today)

The best TV drama: Seburikoko (Afrifame)

Best Radio Drama: Ikinamico of Radio Rwanda

Best radio news anchor: Xavera Nyirarukundo and Jean Daniel Sindayigaya (RBA)

Service Deleivery Reporting Award: Latifah Akimana (RBA)

Scoop of the Year: Constantin Tuyishimire (TV One)

Sports Journalist of the Year: Fidele Bugingo (Imvaho Nshya)

Talk show of the year: Uruhare rw’ Itangazamakuru (Isango Star)

Video Journalism Award: Fidele Sindayigaya (TV One)

Media Sector Development Award: Kellya Uwiragiye (Media for Deaf Rwanda)

Community Radio of the Year: Radio Huguka

Most Popular Radio: Radio Rwanda

Most Popular Online Publication: Igihe.com

Most popular TV Station: Rwanda Television

Best Radio Talk Show: 10 Sports (Radio 10)

Unity and Reconciliation Reporting Award: Prudence Kwizera (Igihe.com), runner-up: Eric Muvara (KT Radio).

Gender and Children Rights Reporting Award: Winner: Donah Mbabazi (The New Times), runner-up: Fidele Twiringiyimana (TV One)

Anti-Corruption Reporting Award: Paluku Rene Pedro TV1, Runner-up: Donah Mbabazi

Rwanda Green Growth Reporting Award: Alfred Ntakirutimana, first runner-up: Michel Nkurunziza & Frederic Byumvuhore, second runner-up: Alexia Bizumuremyi (Rwanda Inspirer)

ICT and Telecommunication Reporting Winner: Steven Muvunyi CNBC AFRICA

Health Reporting Award: Lydia Atieno (The New Times)

Grassroots Reporting Award: Winner: Kelly Rwamapera (The New Times), runner-up: Jean Paul Turatsinze (RBA)

Ikinyarwanda Kinoze Award: Prudence Kwizera (Igihe.com), runner-up: Jean Claude Ndayishimiye (Igihe.com)

Culture promotion Award: Winner: Maniraguha Ferdinand (Igihe.com)

Best TV news anchor: Bienvenue Redemptus (RBA)

Best Female Journalist of the year: Evelyne Umurerwa (RBA)

Journalist of the year: Donah Mbabazi (The New Times)

Numva kubaka igihugu ari ukuvugisha ukuri aho kubeshya kuko ikinyoma ntikimara kabiri ,twese tuvugishe ukuri twubake igihugu cyacu twese kurusha kubeshya ,niba hari ushaka kwandika yanyandikira kuri email yanjye gaterastanley@gmail.com

078366445                                

 

About author

Related Articles

1 Comment

  1. Berton November 8, 2018 at 6:43 pm

    Ismael mwafuzi arihe muri documentary!???
    Muhire munana

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.