umu amakuru- Ubwoba muri ADEPER ko bashobora gutsindwa n’abahoze bayobora iryo torero bahitamo gusaba kwirukanisha umushinjacyaha ,ibaruwa nayo yasinywe nutarayanditse | Umusingi

Ubwoba muri ADEPER ko bashobora gutsindwa n’abahoze bayobora iryo torero bahitamo gusaba kwirukanisha umushinjacyaha ,ibaruwa nayo yasinywe nutarayanditse

Views:
352

Kuri uyu wa 6 Ugushyingo 2018 Ikinyamakuru Umusingi

Cyabonye urwandiko rwanditswe n’abayobozi bahagarariye Itorero rya ADEPR bandikira Umushinjacyaha mukuru wa Repubulika y’uRwanda bamusaba ko umushinjacyaha badashaka umushinjacyaha witwa Nkubito Emmanuel kubera ko ngo ashinjura abaregwa barimo Bishop Tom Rwagasana ,Bishop Sibomana Jean n’abandi batandukanye.

Urwandiko banditse Ikinyamakuru Umusingi gifite kopi ya rwo rwanditswe Kuwa 25 Ukwakira 2018 aho bavuga ko bari baranditse mbere indi baruwa n’umwunganiza wabo mu mategeko Kuwa 27 /8/2018 aho yasabaga ko urubanza ruregwamo ba Bishop Rwagasana Tom n’abagenzi be uko ari 12 ariko muri iyi baruwa ADEPER ikaba ivuga ko bagomba kuba 20 aho kuba 12 ko n’abandi bagomba guhamagazwa.

ADEPER yanditse isaba umushinjacyaha witwa Prudance ariko bamwe mu bakirisitu muri ADEPER baduhaye iyi baruwa tutifuje kuvuga amazina yabo batubwiye ko kwiyama umushinjacyaha ari ikimenyetso ko abayobozi ba ADEPER ari ubwo bafite ko bagiye gutsindwa.

Umwe mu banyamategeko twaganiriye ariko akanga ko tuvuga amazina ye kubera impamvu ze bwite yavuze ko Ubushinjacyaha bwigenga kandi budakorera ku byifuzo by’uba yareze ko ibyo ADEPER yavuze ko urubanza RP/ECN00013/2018/TGI/GSBO ,Bitewe n’uburemere bwarwo baruha uwitwa Prudance byaba ngombwa agahabwa undi bitewe n’amafaranga menshi avugwa ko yanyerejwe.

Umuvugizi wa ADEPER Rev.Karuranga Epraim ibumoso na Bishop Tom Rwagasana

Ikinyamakuru Umusingi cyashatse kubaza Umuvugizi wa ADEPER Rev.Karuranga Ephraim ku bijyanye n’ibaruwa bandikiye umushinjacyaha mukuru wa Repubulika y’uRwanda n’ibindi twumvise ko habayeho igenzuramutungo (Audit) ebyiri imwe ikaba yarakozwe abaregwa batarafungwa kandi ikaba yarakozwe abayobozi bayobora ADEPER ubu bahari iyo Audit ikaba bivugwa ko nta kibazo yagaragaje cy’amafaranga yanyerejwe ariko iyakozwe bafunzwe ikaba ariyo igaragaza ko habayeho kunyereza amafaranga ariko Rev.Karuranga akaba yatubwiye ko ari mu nama.

Amakuru dufitiye gihamya ni uko umucamanza mu iburanisha riheruka yatumije Umuvugizi mukuru wa ADEPER Rev.Karuranga ko azitaba urukiko mu buranisha ritaha kugirango asobanure iby’izo raporo ngizuzi z’amafaranga cyangwa izo audit.

Iyo sinyatire mubona abazi iya Rev.Karuranga Epraim ntago ari uko asinya (Urwandiko rusaba kwirukana umushinjacyaha bagasaba uwo bashaka nkuko mubisoma)

Nimusoma uru rutonde murasanga hari abatari kuri rwarundi rwo hejuru
Urutondo
1.Bamprayonzi Francois
2.Musabyimana Jonas
3.Granito Marbre
4.Uwimana Jean
5.Senteza Jean Paul
6.Niyonzima Alexis
7.Mutabazi Adrien
8.Mahirane Bernard
9.Kwizera Emmanuel
10.Ingabire Joselyne
11.Havugimana Emmanuel
12.Rutayisire Innocent
13.Shumbusho Theogene
14.Musabyimana Isai
15.Nkuranga Aimable
16.Hakuzumuremyi
17.Ngendahayo Vedaste
18.Matabaro Evariste
19.Mushimiyimana Pierre Damien
20.Tuyishime Theodose

Muri iyi baruwa dufite kopi bigaragara ko yasinywe n’Umuvugizi mukuru wa ADEPER Karuranga Epraim ariko sinyatire ikaba itari iye ari iya Karangwa John visi Représentant Legal bikaba bitemewe mu mategeko kuko yari gusinya P.O.

Ikindi twashoboye kumenya nacyo twashakaga ko Umuvugizi wa ADEPER adusobanurira ko hari bamwe mu basabwe ko nabo bakurikiranwa ariko bakaba batari ku rutonde nkuko buribubibone.Tuzakomeza kubagezaho amakuru mu gihe Umuvugizi azatuvugisha akaduha uko babyumva ku bivugwa ndetse n’imanza zizagenda kuko bazasubira mu rukiko kuri uyu  wa gatanu.

Gatera Stanley

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.