umu amakuru- Opinion:Hari ibintu njya numva abayobozi bavuga nkatekereza ko batigeze bajya kwiga cyangwa ari umuvumo bashaka ku Isi | Umusingi

Opinion:Hari ibintu njya numva abayobozi bavuga nkatekereza ko batigeze bajya kwiga cyangwa ari umuvumo bashaka ku Isi

Views:
108

Hari ibintu numvise mu gihugu cy’abaturanyi cya  Uganda aho bashaka gutangiza kujya bakata icya cumi cy’amaturo ku mushahara w’umuntu bitewe n’amafaranga ahembwa.

Ubanza ari agashya bashaka gukora kuko nta handi ndabyumva ku isi cyangwa basashaka ko abantu bajya mu mihanda kwigaragambya.

Mbwira ukuntu wakata umushahara w’umuntu kandi Leta igena umushahara iatarabariyemo icya cumi?kuko umushahara babara ingendo ukora utega imodoka ujya ku kazi ,bakabara usubira mu rugo ,bakabara ibyo urya n’umuryango wawe,bakabara kwishyurira abana amashuri,kwishyura ubukode n’ibindi bitandukanye .

Nagiye kumva n’umumva ngo ikitwa Inter Religious Council n’Ishyirahamwe rihuza amadini ko ryatanze icyo gitekerezo kandi na Perezida Museveni agishyigikiye.

Ariko njye nkurikije uko nzi igihugu cya Uganda bazi gushaka akazi ubwo bigiye kuza bisakuze mu itangazamakuru bijye mu Nteko babyigeho birangire babyanze ariko muri uko kubyigaho hari abazaba babyungukiyemo kuko no kubyigaho mu Nteko ishingamategeko yaho baba barimo gukora binjiza.

Hari abo numvise bavuga ngo Leta iyo igiye kuvaho itangira gukora ibibangamira abaturage nahise ntekereze nti Perezida Museveni kuki atangiye kwemera ibi bintu kandi ari umuntu nakundaga ubu ntiwasanga ari abamugira inama mbi zo kugirango abaturage bamwange?.

Ikindi gutanga icya cumi mu rusengero n’ubushake ntago ari itegeko kandi kujya gusenga nabyo ntago ari itegeko nonese biramutse biba uko abantu ntibajye gusenga ninde wahomba mu byukuri?.

Umukirisitu atanga amaturo uko yifite ashobora gutanga ibihumbi 2000 cyangwa igiceri cy’ijana n’ubwo numvise ko hari insengero zitagishaka abatura ibiceri aho usanga bahagurutsa igipande kimwe bakajya ku murongo kugirango barebe buri umwe ayo atura ,igipande cyarangira bagahagurutsa ikindi mu by’ukuri ubwo abo n’abakozi b’Imana?. 

Ibi simbivugaho byinshi ni uko numvise icyo gitekerezo mbona itangazamakuru ryo muri Uganda babaza abaturage icyo babivugaho numva batabyumva kimwe nanjye ndavuga nti reka mbibagezeho abakunzi b’Ikinyamakuru cyacu mukunda cyane muri benshi namwe mugire icyo mubivugaho.N’igitekerezo cyanjye uko mbyumva bitavuze ko wowe ushobora kubyumva ukundi n’uburenganzira bwawe kandi urabyemerewe nkuko nanjye nemerewe gutanga ibitekerezo byanjye.

Uwakumva ushaka ko igitekerezo cye gitambuka yanyandikira kuri email yanjye stanleygatera@gmail.com tugatambutsa ibitekerezo byanyu  byubaka bitarimo gusebanya no gutukana.Murakoze

Gatera Stanley 0783664450

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.