umu amakuru- Rev. Sebadende wo muri ADEPER yiyemeje guhangana n’umuyobozi w’Ikinyamakuru Umubavu | Umusingi

Rev. Sebadende wo muri ADEPER yiyemeje guhangana n’umuyobozi w’Ikinyamakuru Umubavu

Views:
220

Amakuru dufitiye gihamya ni uko Rev Sebadende Emmanuel uhagararoye ADEPER mu Majyepfo aho bivugwa ko yimuriweyo vuba yamaze kurega umuyobozi w’Ikinyamakuru Umubavu.com mu Rwego rw’abanyamakuru bigenzura.

Tumaze kubona kopi y’ikirego tukagisoma tukagisesengura twasanze nta hantu agaragaza ko izina rye ryasebejwe kuko mu kirego havuga ngo Karongi:Abaturage bagiye mu muhanda ,ubwo se niba bagiye mu muhanda ikibazo kirihe?.

Cyeretse uri Meya cyangwa Gitifu w’Umurenge cyangwa w’Akagali ,ko atavuze ko ari wowe wabashyize mu muhanda dukurikije ikirego cyawe uburyo wacyanditse cyeretse iyo mu kirego uvuga ko yavuze ko ari wowe watumye bajya mu muhanda ukaba wabisobanuye mu kirego naho ubundi ikirego kirimo inyigisho uburyo umunyamakuru yitwara n’ibindi byinshi nyeka ko bitari ngombwa kubishyira mu kirego.

Ikinyamakuru Umusingi kimaze kubona ikirego cya Rev.Sebadende Kuwa 2 Ugushyingo 2018 kuri Telephone ye igendanwa twashatse kumubaza impamvu yareze Umubavu.com maze avuga ko icyo kinyamakuru cyamusebeje ati “Ntacyo nabivugaho kuko n’urubanza muzaze murukurikirane mu menye uko byagenze”.

Rev.Sebadende wareze Ikinyamakuru Umubavu.com

Umuyobozi w’Ikinyamakuru Umubavu.com Nsengimana Theoneste 

Twarakomeje turamubaza kugirango aduhe amakuru ageze aho avuga ko azi amategeko kandi agiye guhanga n’uwanditse inkuru aho ari hose bakagerayo ati “Ukubita imbwa aba ashakanyirayo”.

Ikinyamakuru Umusingi cyabajije Umuyobozi w’Ikinyamakuru Umubavu.com Nsengimana Theoneste icyo avuga ku kirego aregwa ati “Ubwo uwareze azerekane ibimenyetso ko ibyo twanditse atari ukuri kandi nkurikije ibyo numva ndumva ashaka guhangana na njye kandi ari ikinyamakuru yareze.Arashaka guhangana cyangwa hari izindi mpamvu zibyihishe inyuma?.Tuzaburana nta kibazo rwose kuko yibagiwe ko ibyo nabonye mu kirego n’ubundi twari twarabimubajijeho”.

Umuyobozi w’Ikinyamakuru Umubavu  Nsengimana yavuze ko iby’abaturage kujya mu muhanda n’ibintu byabaye inzego zirabizi kandi twabajije abaturage icyabajyanye mu muhanda barakivuga ubwo rero azaze nditeguye kuburana nawe niba afite ibimenyetso bivuguruza abaturage ibyo bivugiye kandi natwe dufite ibimenyetso byacu ndumva aribyo navuga.

Ubundi itegeko rivuga ko kugirango umuntu atange ikirego abanza kwandikira Ikinyamakuru cyamwanditseho ntabyishimire agisaba kuvuguruza inkuru kitavuguruza akabona gutanga ikirego.

Ubundi iyo kuvuguruza bibaye inkuru itambuka kuri paje n’ubundi yatambutseho bikandikwaho ko ari ukuvuguruza inkuru ugashyiraho uko yitwaga n’impamvu ivuguruwe.

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.