umu amakuru- Gen. Eric Gernez wo mu ngabo z’Abafaransa yahuye na Gen.David Muhoozi ukuriye ingabo za Uganda abantu batangira gucyeka Intambara muri DR.Congo yo kuburizamo amatora | Umusingi

Gen. Eric Gernez wo mu ngabo z’Abafaransa yahuye na Gen.David Muhoozi ukuriye ingabo za Uganda abantu batangira gucyeka Intambara muri DR.Congo yo kuburizamo amatora

Views:
316

Umusirikare mu ngabo z’Abafaransa witwa Gen. Eric Gernez yasuye igihugu cya Uganda ahura na Gen. David Muhoozi wo mu ngabo za Uganda abantu bibaza uyu muhuro icyo ugamije muri iki gihe birabayobera.

Umwe mu bakurikiranira hafi ibya politike mu bihihugu bya Afurika y’Iburasirazuba tutavuze amazina ye yagize ati “Ntago umusirikare ukomeye nka Gen. Eric Gernez wo mu ngabo z’Abafaransa yapfa kuza muri Uganda nta mpamvu ihari.Buriya hari ibyo barimo gupanga”.

Hari undi nawe wadusabye kudatangaza amazina ye akaba yavuze ko hari amakuru ko Ingabo z’Abafaransa zisanzwe zifasha gutoza ibya gisirikare igihugu cya Uganda kubera umubano ibihugu byombi bifitanye ariko ashyiramo ingingo ivuga ko bashobora barimo gupanga kwinjira muri Congo kurwanya inyeshyamba za ADF ariko zisigaye ari baringa zirwanya ubutegetsi bwa Perezida Museveni.

Amakuru atugeraho ni uko Gen. Eric Gernez kuza muri Uganda yari aturutse mu gihugu cya Djibouti akaba yaje ku mugambi wo gufasha igihugu cya Uganda gishaka kujya muri DR.Congo kurwanya ADF Inyeshyamba za baringa bivugwa ko zirwanya ubutegetsi bwa Uganda.

Gen. David Muhoozi ari kumwe na Gen.Eric Gernez 

Perezida Museveni wa Uganda yahuye n’Abasirikare babafaransa

Perezida Kabila ibumoso na Perezida Museveni

Amakuru akomeza avuga ko Perezida Museveni na Perezida Kabila wa Congo bari mu mugambi wo gushoza intambara muri Congo kugirango amatora ateganijwe mukwezi gutaha azapfa Kabila akomeze ayobore kuko amatora ataba mu ntambara.

Abakurikirana amakuru y’ibi bihugu bavuga ko uyu mugambi wateguwe cyera mu myaka 3 ishize bimwe mu bimenyetso by’uyu mugambi ni uko ba Col.Makenga na bagenzi bari barahungiye muri Uganda ariko nyuma bagatoroka bikaba bivugwa ko basubiye muri Congo aribo bagiye kurwana intambara bashyigikiye Kabila kuko bivugwa ko bahawe amafaranga menshi cyane kugirango bemere uwo mugambi nyuma y’uko uwabo batsinzwe.

Amakuru aravuga ko Iburayi amabuye yagaciro yabaye macye cyane kubera akorwamo ibintu byinshi bakaba babona umugambi uhari ari ugutangiza urugamba kugirango ibihugu bibone uko byinjirayo gucukura amabuye yagaciro yo gufasha inganda ziwabo.

Col.Makenga

Amakuru atugeraho kandi yizewe ni uko hari ibihugu bikomeye byiteguye kujya muri Congo byitwaje ko bagiye gutabara ariko mu cyumweru kimwe byakoresha imbaraga n’ubushobozi bifite ku buryo byaba bimaze gucuura amabuye yabeshaho inganda zabyo mu myaka iri imbere 7.

Rwego Tony

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.