umu amakuru- Uganda:Umugore yishe umwana we amukataho igitsina amukuramo amara n’impyika n’umwijima ashaka kubyohereza muri Canada mu bapfumu. | Umusingi

Uganda:Umugore yishe umwana we amukataho igitsina amukuramo amara n’impyika n’umwijima ashaka kubyohereza muri Canada mu bapfumu.

Views:
191

Amakuru aturuka mu gihugu cya Uganda aravuga ko umugore yishe umwana we ufite umwaka umwe n’igice amukataho igitsina amukuramo amara n’impyiko n’umwijima ashaka kubyoherereza umuvandimwe we uba muri Canada wabimusabye kugirango abijyane mu bapfumu.

Inkuru yagaragaye kuri NTV yo muri Uganda ,uyu mugore bakaba batavuze amazina ye ariko polisi ikaba yamufashe bitewe n’uburyo uyu mugore amaze kwica umwana we abifashijwemo n’umuturanyi bahise bamujyana kwa muganga ariko bashyira igitutu ku baganga bavuga ko bashaka gutwara umurambo wabo.

Abaganga batangiye gukeka uwo mugore bagiye gusuzuma umurambo basanga igitsina cy’umwana kitariho ndetse amara bayakuyemo n’impyiko n’umwijima byose bitarimo bahita bahamagara polisi irabafata.

Barimo gusaka mu nzu aho basanze yahishe bimwe mu bice by’umubiri w’umwana

Aho ni mu nzu

Uburiri burimo amaraso

 

Nkuko bisobanurwa na Marriam Atoo umupolisikazi ishinzwe iperereza muri Polisi ya Wandegeya avuga ko umwana yajyanywe mu bitaro mu gitondo cyo kuri uyu wa kabiri tariki 30 Ukwakira 2018 nyina avuga ko umwana yarwaye indwara yo kwiruka akikubita hasi agapfa.

Yakomeje asobanurira abanyamakuru ko abaganga aribo basuzumye basanga hari ibice by’umubiri bitariho bamenyesha polisi niko kuza igafata nyina w’umwana utavuzwe amazina ye.

Nyuma yo kumugeza kuri polisi yasabye imbabazi avuga ko umwana yamwishe afashijwe n’umuturanyi we bamukuramo amara bamukata igitsina cye ndetse n’impyiko n’umwijima bashaka ku byoherereza umuvandimwe we uba muri Canada.

Polisi yahise ishakisha umuturanyi w’uwo mugore nawe basanga ari umugore mugenzi we ariko bamufata yiruka ahunga.Polisi yagiye gusaka mu rugo rw’uwo mugore basanga amara n’igitsina cy’umwana n’ibindi byose bamukuyemo biri mu ndobo bihishe munsi y’uburiri.

Turacyagerageza kumenya amazina y’abantu bafashe n’umwana wishwe ndetse no kumenya uwabatumye ibyo bintu bivugwa ko aba muri Canada ngo yashakaga kubijyana mu bapfumu tukaba turi bubagezeho amakuru nitumara kuyatohoza neza.

Muhungu John-Kampala

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.