umu amakuru- Urupfu rwa Musafiri Jean de Dieu wasanzwe imbere y’inzu yapfuye rukomeje guteza urujijo | Umusingi

Urupfu rwa Musafiri Jean de Dieu wasanzwe imbere y’inzu yapfuye rukomeje guteza urujijo

Views:
797

Umugabo wari utuye mu Mudugudu wa Kabuhunde ya 11,Akagali ka Gacuriro ,Umurenge wa  Kinyinya yasanzwe yapfuye hafi n’urugo rwe abantu bakaba bari mu gihirahiro urupfu yapfuyemo.

Uyu munsi Kuwa 31 Ukwakira 2018 nibwo bamwe mu baturage batifuje ko amazina yabo atangazwa kubera impamvu zabo batangarije Ikinyamakuru Umusingi ko bahangayikishijwe n’urupfu rw’umuturage witwa Musafiri Jean de Dieu yapfuyemo .

Hari bamwe bacyeka ko ashobora kuba yishwe bakajugunya umurambo we imbere y’inzu ye kuko ngo urebye uburyo basanze amutwe ureba ruguru kandi iyo aba yaguye bisanzwe yari kuba acuramye.

Umwe mu baturage bahageze bwa mbere we yavuze ko bigaragara ko yaba yarishwe bakahamujugunya.

Ifoto twahawe na bamwe mu bahageze mbere igaragaza uko nyakwigendera basanze ameze yapfuye

Ikinyamakuru Umusingi cyavuganye n’umuyobozi w’Umudugu wa Kabuhunde ya 11 tumubaza niba hari amakuru y’urupfu rwa Musafiri Jean de Dieu yaba yamenye ati “Nta makuru mashya ndabona gusa numvise ko umugore we bamutwaye kumubaza ariko umurambo bawutwaye hashize iminsi itatu bagiye kuwusuzuma kureba icyo yaba yazize ntituramenya ibyakurikiye ariko ibijyanye n’amakimbirane mu rugo rwabo cyeretse niba babihishaga mu nzu yabo ari yaba umugore cyangwa umugabo nta n’umwe wari wakaje kumbwira ko hari amakimbirane bafite ibyo ntabyo nzi rwose uretse ko numvise hari bamwe mu baturage babivuga ariko njye ntabyo nzi”.

Yakomeje avuga Ko aho batuye ari ku mukingo niba yarahanutse nta wamenya.Amakuru aravuga ko Nyakwigendera yari umuyobozi wa sosiyete yitwa S.B.S. i KIGALI.Ikinyamakuru Umusingi cyashatse kubaza Umuvugizi wa RIB Mbabazi Modeste maze atubwira ko ari mu nama.

Tukaba tuzabagezaho andi makuru nidushobora kumenya icyo isuzuma ry’ibitaro ryagezeho kuko mu itangazo ryatanzwe n’umuryango we dufiteho kopi riravuga ko azashyingurwa ku itariki 2 Kuwa gatanu z’ukwezi kwa cumin a kumwe 2018.

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.