umu amakuru- Opinion:Menya itandukaniro hagati y’abakozi b’Imana mu Idini gaturika n’abandi bitwa Apotre cyangwa Pasiteri | Umusingi

Opinion:Menya itandukaniro hagati y’abakozi b’Imana mu Idini gaturika n’abandi bitwa Apotre cyangwa Pasiteri

Views:
171

Hashize iminsi ntekereza ku mikorere y’Amadini n’abitwa abakozi b’Imana ngeze aho numva nshaka kubisangiza abasomyi b’Ikinyamakuru Umusingi namwe mukamenya iyo mikorere cyangwa mukamenya abo nshima ntabo ntashima.

Hari ikintu natekereje ku Idini rya Gaturika(Catholic Church) numva ari kiza cyane nkumva n’andi madini ariko yagakoze kuko abantu batanga icya cumi ariko muri Gaturika iyo kibonetse bagitangariza abakirisitu bakababwira n’icyo kizakora kandi iyo gikozwe kiba ikidini ntago kiba icya Padiri nkuko ahandi mbona bigenda.

Umupadiri baramwimura bakamujyana ahandi ibyo yakoze byose akabisiga kuko n’ibyidini mu gihe Abapasiteri usanga ibyo bagura mu cya cumi babyiyandikaho cyangwa bakabyandika ku bagore babo cyangwa abana babo.

Abantu barimo gusenga (Photo Internet)

Nonese njye njya nibaza ukuntu abantu bajya mu mashuri bakiga za Kaminuza bakarangiza ariko umuntu utarize izo kaminuza akaza akakubeshya ngo utange icya cumi ariko icyo cya cumi aho kugirango kigirire akamaro abakirisitu b’uwro rusengero ahubwo bikajya ku mazina ye cyangwa y’abana be mwe mwatanze icya cumi ibyanyu bikarangirira aho.

Ikindi nishimira ku idini ya gaturika nubwo njye ndi umuporoso usanga bafite amashuri yincuke ,bafite amashuri makuru na Kaminuza ibyo byose bigerwa kubera Abakirisitu kandi bikabagirira akamaro ariko mu Rwanda mumbwire Apotre ufite kaminuza cyangwa ikigo cy’amasjuri cyanditse ku idini rye?.

Ubu se dushyize mukuri abantu mbona buzuye insengero za hano mu Rwanda ibi bajya babitekerezaho ngo barebe niba amafaranga batanga menshi afite icyo amarira itorero cyangwa abakirisitu cyangwa nukwifashiriza uba yaratangije iryo torero?.

Mu Rwanda dufite Kaminuza yi Kabgayi ishingiye ku idini gaturika .tukagira indi kaminuza y’Abadiventisite ,Abaporoso bafite amashuri y’isumbuye n’amato I Gahini bafite ikigo cy’amashuri ,bakagira ibigo remera Giporoso n’ahandi hatandukanye mu gihugu ariko ntibaragira Kaminuza kuko sinyizi.

Amadini akomeye agenda agira ibikorwa bikomeye birimo ibyo bigo by’amashuri na za Kaminuza na Hotels n’amavuriro nka Gahini n’ibitaro by’idini y’Abaporoso na St.Paul bafite hotel ishingiye ku idini,n’andi madini nk’irya Abayisiramu ariko aba Pasiteri naba Apotre ko ari benshi kandi babona amafaranga menshi nibande bafite ibikorwa nk’ibyo byanditse ku idini?.

Dufite abitwa Abakozi b’Imana benshi abamaze kumenyekana cyane abo njye nzi harimo Gutwaza ,Masasu ,Rugagi,Apotre Mignoni,Apotre Rwandamura ,Apotre Rugamba abandi simbazi mwihangane ariko uretse kuba baratangije Televiziyo na Radio nabyo ndacyeka biri mu mazina yabo ibindi n’ibiki bafite?ese izo nsengero zo ntiziri mu mazina yabo?amafaranga babona y’icya cumi abakirisitu bayagiraho uruhare?.

Njye numva bakwiye gukora ibyo Imana ishaka kuko Idini ntiriba iry’umuntu ahubwo riba iry’abakirisitu nkuko Abaporoso n’Abanyagaturika ,Abadive n’Abayisiramu bakora naho ubundi mbona habamo uburiganya kandi Imana iba yabise abakozi bayo ahubwo bagahinduka abacuruzi hakazamo no kubeshya abakirisitu ngo murabasengera ngo babone imodoka zihenze cyangwa babone Etaje ,oya ahubwo mu ijuru aba bantu bazisanga bagiye mu kiciro kibi mu gihe njye wanditse igitekerezo cyanjye kiza gutya kigisha abantu nzaba ndi muri Convention Center yo mu ijuru nicaranye n’Imana.

Iki n’igitekerezo cyanjye ntago bivuze ko ari itegeko kimwe nk’uko hari abashobora kubyumva nkuko mbyumva cyangwa babyumva ukundi n’uburenganzira bwabo ariko itegeko nshinga ritwemerera gutaga ibitekerezo byacu bigamije kubaka igihugu.

Gatera Stanley

Ushobora kumbwira uko ubyumva kuri email yanjye stanleygatera@gmail.com cyangwa ukampamagara kuri Telephone yanjye

0783664450

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.