umu amakuru- Abarangije mu ishuri ryigisha gukora imisatsi n’ubwiza bw’umubiri Hair Clinic saloon barishimira ibyo bamaze kugeraho | Umusingi

Abarangije mu ishuri ryigisha gukora imisatsi n’ubwiza bw’umubiri Hair Clinic saloon barishimira ibyo bamaze kugeraho

Views:
45

Abantu bamwe na bamwe bakunda gusuzugura kwiga imyuga yo gutunganya imisatsi ,kogosha,gukora imisatsi y’abagore no guca inzara ndetse no gutunganya umubiri ariko ababyize bavuga ko hari byinshi babyungukiyemo.

Ishuri ryitwa Hair Clinic TVT Saloon ryigisha ubumenyingiro rikaba riherereye mu Karere ka Kayonza ,rikaba kiyobowe na Zirimwabagabo Baninde Jean Bosco uzwi ku izina rya John akaba avuga ko abanyeshuri basigaye bakunda kwiga imyuga cyane cyane ubumenyingiro mu bijyanye no gukora isuku n’isukura ku mubiri bikorerwa muri Saloon bagahabwa impamyabumenyi bakajya gukora ahandi hantu hakomeye.

N’ikigo cyemewe kuko cyahawe icyangombwa cya WDA mu mwaka wa 2015 kuva icyo gihe bakaba bagiye gusoza ikiciro cya gatatu icya mbere kikaba cyarimo abanyeshuri barenga 80 ndetse n’ikiciro cya kabiri nacyo bakaba bararengaga 80 ubu bakaba bateganya gusoza ikiciro cya gatatu mu mpera z’uku kwezi ku itaraki itaramenyekana neza.

Uwamahoro Doris n’umwe mu banyeshuri barangije amashuri atandatu yisumbuye akabona kubona akazi bitoroshye ahitamo kwiga imyuga ajya kwiga ibya Saloon ,yiga amezi atandatu akora staje amezi abiri umukoresha we ahita amuha akazi ubu akaba akora neza ahembwa neza ku buryo yubakiye iwabo inzu.

Uwamahoro agira ati “Nta muntu wize ibijyanye n’ibyo nkora byo gutunganya imisatsi yabura akazi kandi nanjye ubu nshatse gusubira ku ishuri nasubirayo nkirihirira kandi nkakomeza akazi kanjye kubera ibyiza byinshi maze kugeraho kubera aka kazi nashishikariza abantu badafite akazi cyangwa abasuzugura uyu mwuga kuza bakabyiga kuko uwabyize ntiyabura akazi”.

Abanyeshuri barimo kwigishwa

Inyubako abanyeshuri bigiramo

Uretse kuba yarashoboye kubakira iwabo inzu ,Uwamahoro avuga ko yashoboye no kurihirira abavandimwe be amafaranga yishuri bityo akaba ashimira umukoresha we ko amuhemba neza nta kibazo kandi nawe bikamuha imbaraga zo gukora akazi ke neza.

Umutoni Ariane ari muri staje y’amezi abiri akaba yaraturutse mu Karere ka Gatsibo avuga ko yajyaga abona ukuntu Mama we yikoraho agiye kujya nk’ahantu akumva nawe yakwiga ibijyanye no gukora muri saloon bityo rimwe yumva bavuga ishuri rya John I Kayonza ko ryigisha neza kandi rigashakira abanyeshuri barangije akazi ahita abibwira ababyeyi baramwemerera ahita aza gusaba ishuri kuhiga bararimuha atangira gutyo kubyiga.

Umutoni avuga ko agiye gusoza amashuri y’ubumenyingiro nawe atangire gukorera amafaranga kandi akavuga ko gukora muri saloon bituma umuntu yiyitaho cyane kuko aba ashaka ko abamugana basanga afite isuku.

Zirimwabagabo Baninde Jean Bosco umuyobozi mukuru w’iki kigo ashimira ubuyobozi bwaba ubw’Akarere n’umurenge n’Akagari ndetse n’umudugudu kuko ikigo cye kugirango kigeze uyu munsi gikora neza n’uko hari inama nyinshi bamugiraga,kandi akaba asaba umuntu wese yaba umugore cyangwa umugabo ko atatinya gukora muri saloon kuko n’akazi nkakandi kose kandi barimo kwakira abanyeshuri bashya.

Gatera Stanley

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.