umu amakuru- Uwasutsweho Asidi na muka se agacikaho ukuboko aratabaza abantu bose ku isi | Umusingi

Uwasutsweho Asidi na muka se agacikaho ukuboko aratabaza abantu bose ku isi

Views:
255

Mu gihugu cya Uganda umukobwa w’imyaka 16 witwa  Praise Ainembabazi aratabaza abagira neza ku isi yose nyuma yo gusukwaho Asidi na mu kase agacika ukuboko ndetse ikamubabura umugongo.

Praise Ainembabazi arasaba polisi ya Uganda n’inzego zishinzwe uburenganzira bwa muntu gufata mu ka se witwa Scovia Tumukunde agafungwa .

 Praise Ainembabazi yasutsweho Asidi mu kwezi kwa kabiri uyu mwaka saa kumi n’ebyiri z’umugoroba ,akaba yaramuturutse inyuma atamubonye amusukaho ibintu bimeze nk’amazi yari afite mu icupa rinini ry’amazi.

Hashize akanya nibwo Praise Ainembabazi yatangiye kumva umubiri umwokera cyane atangira kuribwa cyane kugeza ubwo byakomeye bamujyana mu bitaro biba ngombwa ko ukuboko bagukataho kuko kwari kwahiye cyane n’amagufa yangiritse.

Ainembabazi avuga ko yari kumwe na barumuna be bato babyarwa na Tumukunde Scovia mu kase ,avuga ko Asidi yayitumye abasore babiri harimo uwitwa Katushabe n’undi yamenye witwa  Sam.

Scarlet Arinda mukuru wa Ainembabazi yavuze ko mu ka se gusuka Asidi kuri murumuna we ari ishyari yamugiriye kubera ko Ainembabazi yari yatangiye gucuruza akiri muto kandi we afite abana bakuru ariko bananiwe kugira icyo bakora.

Ukuriye ishami rya polisi rishinzwe gukurikirana uburyo ibyaha bikorwa witwa Sophia Neboshi yavuze ko hari umugira neza wasanze Ainembabazi aho yari arembeye ari nabyo byatumye ukuboko gucikaho kubera kutajyanwa kwa muganga vuba ,uwo mugiraneza akaba ariwe wamujyanye kuri polisi ya Kira Road.

Asidi bamumusutseho ari iwabo mucyaro muri Bushenyi ,muri Kampala akaba yari yaje gushaka umukozi w’Imana witwa Samuel Kakande kugirango amusengere akire ariko ntiyagira amahirwe yo kumubona ahitamo kujya ahitwa Kamwokya gushaka akazi niho uwo mugira neza yamusanze amujyana kuri polisi.

Mukuru we witwa Arinda avuga ko mu bitaro aho babanjije basigaye babishyuza Miliyoni enye ,ubu bakaba badafite icyo barya ndetse nayo gukomeza kumuvuza bakaba basaba abagira neza nkuko muri Uganda bigenda buri gihe babinyuza mu bitangazamakuru abantu bakitanga uko bishoboye ufite ikibazo kigakemuka.

Batanze nimero ya Telephone ubishoboye yatangaho imfashanyo yo gufasha umwana w’umukobwa wahuye n’akaga gakomeye agacika ukuboko azira ubusa.+2567 80314636

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.