umu amakuru- RBC irakangurira abaturage korohereza abaganga bazabasanga mu ngo muri gahunda y’ubushakashatsi RPHIA kuri virus itera SIDA. | Umusingi

RBC irakangurira abaturage korohereza abaganga bazabasanga mu ngo muri gahunda y’ubushakashatsi RPHIA kuri virus itera SIDA.

Nyuma y’imyaka isaga icumi (10) gahunda zo gutanga imiti igabanya ubukana bwa Virus itera SIDA isakajwe mu gihugu , ni muri urwo rwego Minisiteri y’ubuzima  yateguye gahunda yo kureba uko icyorezo cya SIDA gihagaze mu    Rwanda n’icyo ibikorwa byo gukumira no kuvura virus itera SIDA byagejejeho abanyarwanda ibinyujije m’ubushakashatsi bwiswe RPHIA.

RPHIA(Rwanda Population HIV Impact Assessment ) ni ubushakashatsi ku baturage bose bo mu Rwanda buzakorerwa mu ngo bugamije kureba ibyagezweho na gahunda zo kurwanya Virus itera SIDA mu Rwanda; ubu bushakashatsi buzaba kubufatanye na Goverinema y’u Rwanda hamwe na Minisiteri y’ubuzima ibinyujije mu kigo cyayo gishinzwe ubuzima (RBC) Rwanda Bio Medical Center

Ubu bushakashatsi buzakorerwa mu turere twose tw’u Rwanda ubwo abakozi babihuguriwe bazajya bazenguruka mu ngo zatoranyijwe zituwe mo n’abantu bakuru bafite imyaka 15 kugeza kumyaka 64; bukaba buzatangira mu ntangiro z’Ukwakira tariki 8 muri uyu mwaka wa 2018, ubushakashatsi buzakorwa mugihe kingana n’amezi atandatu.

Ministeri y’ubuzima  inejejwe n’ubu  bushakashatsi bugiye gukorerwa bwa mbere mu gihugu cy’u Rwanda,  bakaba bizeyeko buzagabanya ubwandu bushya bwa virus itera SIDA kuko kuri ubu mu gihugu  hose  abafite virus itera SIDA ari batatu ku ijana 3%,  bakaba bafite gahunda yo kugera ku ntego bihaye ya 90-90-90 bivuze ko abasaga  na mirongo icyenda ku ijana 90% bagomba kuba bazi ko bafite virus itera SIDA ndetse bakaba bafata imiti neza.

Beatha Sangayire  ushinzwe  gahunda zo kwipimisha n’ubujyanama mu kigo cy’ubuzima RBC avuga  ko ubu bushakashatsi bugiye gukorerwa kubanyarwanda kuri virus itera Sida na Epatite B na C icyo babwitezeho nuko buzabafasha  kumenya aho igihugu gihagaze kuri virus itera SIDA , yakomeje avuga ko abanyarwanda bazaborohereza abaganga bazaza babagana bagatanga amakuru bazaba basabwa bakazabizera kuko bazaba bakora ibyo bazi bahuguriwe, yakomeje avuga ko ubu shakashatsi buzabafasha kubona imibare fatizo kuri virus itera SIDA mu Rwanda ndetse no kuzabona ahaba hari intege nke bakazongeramo imbaraga kugira ngo umubare wa gatatu ku ijana 3% wa abafite virus itera SIDA uzagabanuke”.

Dr Rwibasira Gallican  akaba ari umwe mubahuza bikorwa b’ubushakashitsi bwa RPHIA avuga ko mbere yo gutegura ubu bushakashatsi babanje kureba niba abaturage badashobora kuzanga gutanga amakuru basanga  ntampungenge baterwa n’ubwitabire bw’abaturage kuko basanze abaturage basanzwe babimenyereye akurusho noneho aruko bazajya babasanga mu ngo iwaba bakabafasha bari hafi y’abaturage.

Yagize ati”kugeza ubu ntabwo ubwitabire bw’abaturage buduteye ikibazo kuko usanga abaturage bafite inyota yo kumenya uko bahagaze mubuzima kubijyanye na Virus itera SIDA noneho no kuba tuzabasanga iwabo mu ngo bizaba byoroshye no guhita ahabwa inama z’uko yakwifata bitewe n’igisubizo azahabwa na muganga, yakomeje amara impungenge abaturage  ko ibisubizo byabo bizaba ibanga kandi nyuma yaho bakazahabwa n’ubujyanama k’ubuzima .

 

 

 

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.