umu amakuru- Urubyiruko rwahindura amateka y’ubuhinzi muri Afurika, Perezida Kagame | Umusingi

Urubyiruko rwahindura amateka y’ubuhinzi muri Afurika, Perezida Kagame

Views:
39

Ubwo yasozaga inama yari imaze iminsi ine i Kigali yiga ku iterambere ry’ubuhinzi muri Afurika(Africa green revolution forum) Kuwa 05-08 Nzeli 2018 yabwiye abarenga 2000 bayitabiriye ko umusaruro uva mu buhinzi wakwiyongera. Bisaba uruhare rwa buri wese cyane cyane urubyiruko.

Perezida Kagame Paul asanga nta we ukwiye kugira urwitwazo na rumwe mu guteza imbere ubuhinzi kuri uyu mugabane. Agaragaza ko urubyiruko rukanguriwe uyu mwuga rukawugira uwarwo byafasha mu kwihutisha iterambere.

Ubusanzwe urubyiruko rwitabira umwuga w’ubuhinzi ruracyari ruke. Nyamara muri iyi nama habonetsemo ubuhamya bw’urubyiruko rubeshejweho n’ubuhinzi.

Umwe mu bitabiriye yagize ati ” kera nakuze nziko ubuhinzi busuzuguritse. No mu ishuri bmwarimu yanyigishije ko ubuhinzi ari ubw’ababuze undi murimo. Nyamara maze kuwinjiramo nasanze ibyo nakuze mbwirwa atari ukuri”.

Ashishikariza urubyiruko kwitabira uyu mwuga ahubwo bakawunoza bakawukorana ubuhanga.

Perezida w’abadepite mu gihugu cya Kenya William Ruto yabajije ukuntu ibihugu by’Afurika bigorwa no guhahira ku migabane ya kure nyamara bagahahiye abaturanyi babo bahana imbibi. Avuga ko iyi mikorere igomba guhinduka niba bashaka iterambere rirambye. 


Umunyamabanga nshingwabikorwa Wa UNECA(United Nations Economic for Africa) Vera Songwe avuga ko uyu mugabane utumiza ibikomoka Ku buhinzi hanze yawo(imports) ibifite agaciro k’amadorali y’Amerika asaga miliyari 70 buri mwaka. Nyamara 60 Ku ijana ry’ubutaka buhingwaho Ku isi ari ubw’Afurika.

Ku Wa 21 Gicurasi 2018 I Kigali ubwo yafunguraga Ku mugaragaro inama yasinywemo ubufatanye mu korohereza ubuhahirane bwisanzuye ku mugabane w’Afurika, Perezida Kagame yavuze ko igihe cyose Afurika yishakira ibyiza hatazabura abayitambamira.

Gusa nta rwitwazo rwabuza abanyafurika gushaka ikibabereye.
Umusaruro w’ubuhinzi mu Rwanda uzamukaho 7 Ku ijana. Ubuhinzi bugize 31% by’umusaruro mbumbe w’igihugu(total GDP). Uru rwego rwagenewe 9% by’ingengo y’imari ya 2018/2019.

Mbarubukeye Etienne (Freelancer)

 

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.