umu amakuru- Abandi banyarwanda 3 n’umukongomani 1 bafatiwe muri Uganda | Umusingi

Abandi banyarwanda 3 n’umukongomani 1 bafatiwe muri Uganda

Amakuru agera ku kinyamakuru Umusingikuri iki gicamunsi cyo kuwa kabiri tariki 11 Nzeli 2018 aravuga ko ubuyobozi bwa Akarere ka Rubanda muri Uganda bafunze abanyarwanda 3 n’umukongomani umwe binjiye mu gihugu cya Uganda mu buryo bunyuranije n’amategeko.

Aba bafashwe n’umukuru wa polisi ya Rubanda witwa  Tai Ramathan bakaba bari berekeje Karukara ku muhanda ugana Kabale-Rubanda-Kisoro.

Abafashwe bari bari mu modoka UBD 376 B bivugwa ko banyirayo ari Nzovu Transporters bakaba bari birekeje Kampala baturuka Kisoro.

Abafashwe babwiye polisi ko bari berekeje muri Tooro mu Karere ka Kabarole aho bavuga ko bari bagiye gukora mu cyayi.

Bafashwe nta byangombwa bafite bibemerera kwinjira muri Uganda cyangwa impushya zibemerera gukorera muri icyo gihugu zitangwa n’inzego z’ubuyobozi bityo bahitamo kubafunga.

DPC Ramathan yavuze ko n’imodoka barimo yo mu bwoko bwa coaster nayo yafashwe ndetse n’umushoferi wayitwaraga witwa Timothy Habimana  arafatwa arafungwa ashinjwa gutwara imodoka nta ruhushya.

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.