umu amakuru- Iby’umukobwa warasiwe mu modoka na Kirumira byamenyekanye ntago yari umugore we | Umusingi

Iby’umukobwa warasiwe mu modoka na Kirumira byamenyekanye ntago yari umugore we

Views:
545

Ku munsi w’ejo hashize tariki 8 Nzeli 2018 nibwo twabagejejeho inkuru y’urupfu rw’umupolisi muri Uganda witwa Afande Kirumira Muhammad warashwe ari kumwe n’umukobwa w’inshuti ye abantu baziko ari umugore we babarasanye barashwe n’abantu bataramenyekana bari batwaye moto.

Umukobwa warasiwe mu modoka ari kumwe na Afande Kirumira yitwa Resty Nnaalinnya w’imyaka (25) akaba yari inshuti ya Kirumira baturanye Bulenga bakaba bari batashye abantu bataramenyekana baje batwaye moto ebyiri  babarashe amasasu barabica.

Ali Mabirizi ni musaza wa Resty Nnaalinnya yavuze ko abagizi ba nabi mu gihe cya saa tatu n’igice z’ijoro abagizi ba nabi babanje kurasa amasasu menshi hejuru kugirango bakange abaturage bari mu nzira bityo abantu batangira kwiruka abacuruzi batangira gukinga amaduka yabo bityo barasa Kirumira n’umukobwa bari kumwe wabanje gucyekwa ko ari umugore we.

Umukobwa wari kumwe na Kirumira

Perezida Museveni ageze aho Afande Kirumira yarasiwe

Mabirizi avuga ko nyuma yo kumva amasasu atakivuga bahise bajya kureba basanga abantu benshi bazengurutse imodoka bavuga ko ari Afande Kirumira warashwe.

Bahise babatwara mu bitaro bya Rubaga ariko bagezeyo bombi barapfa kuko basanze bagihumeka gake cyane.

Perezida Museveni akaba yagiye aho barasiye Kirumira abaturage bamubwira amagambo mabi ndetse bamwe bamubwira kuva kubutegetsi ko igihugu kimunaniye ,abandi baririmba people power ya Bobi Wine bashaka kumwereka ko ariwe bashaka.

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.