umu amakuru- Ese kugabana Africa kw’abazungu kongeye?cyangwa Africa n’amata y’abazungu ? | Umusingi

Ese kugabana Africa kw’abazungu kongeye?cyangwa Africa n’amata y’abazungu ?

Views:
248

Abize amateka (history) bize uburyo abazungu bagabanaga ibihugu by’Africa bashaka kubikoloneza (Scrumble and Patition of Africa)kubera inyungu bashakaga zigamije guteza imbere ibihugu byabo.

Uyu munsi iyo urebye ubona scrumbl and patition for Africa iri gukorwa bwa kabiri urugero urebye uburyo Ubushinwa ,Amerika ,Ubuhinde ,Uburusiya n’Ubwongereza uburyo barimo gushaka gukorana n’ibihugu by’Africa ubona bisa n’icyo gihe bakolonezaga Africa.

Abakuru b’Ibihugu by’Africa baherutse guhurira mu Bushinwa mu nama yo kwiga imikoranire hagati y’Ubushinwa n’Africa mu gihe na Theresa May Minisitiri w’Ubwongereza yari muri Africa bose icyo bagamije n’ugushakira ibihugu byabo icyabitunga ariko buri gihugu gifite ibyo gishaka.

Hari abavuga ko Africa ari amata y’ibihugu by’Abazungu kuko buri mwana wese n’abantu bakuru banywa amata abadafite inka bakajya kuyagura bityo abazungu uburyo ubona bashaka Africa wagirango yabaye amata yabo.

Theresa May ari muri Africa

Usanga UK ariyo ishora imari mu gihugu cya Kenya na  Nigeria na  South Africa ndetse no mubya gisirikare mu gihe usanga Amerika nayo ifite ibihugu ishoramo imari .Perezida wa China aherutse gusura ibihugu by’Africa ariko nta kindi n’ugushaka imikoranire myiza kugirango inganda zabo zibone isoko aho bazajya bacuruza ibyo zikora ,caguwa yaraciwe mu bihugu bimwe na bimwe ,icyo n’igihombo kuri Amerika ,ubu abacuruzi benshi bakaba bajya kurangura mu Bushinwa.

Ibikoresho byo mu nzu ,ibyubaka n’ibindi bitandukanye usanga bajya mu Bushinwa mu gihe cyera ibyinshi byavaga muri Amerika kandi ubu Ubushinwa bukaba bukora ibiciriritse bijyanye n’ubushobozi bwa buri muntu ku buryo usanga amasoko yose muri Africa bacuruzi ibikomoka mu Bushinwa.

Ushobora kwibaza impamvu ubona Perezida w’Ubushinwa aza muri Africa aho avuye Minisitiri w’Intebe w’Ubuhinde nawe akaba araje n’uburyo bashakira ibihugu byabo aho bashora imari n’abashoramari babo bagakora bagateza imbere ibihugu byabo n’ubwo byateye imbere.

Abantu baribaza kuki Africa yo itishyirahamwe aba baza bashaka aho bashora imari yabo nayo ikabakiriraho?ese Africa izahora mu maboko y’abazungu kugeza ryari .Iyi nkuru tuzayisubiramo irambuye neza 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.