umu amakuru- Bobi Wine wari wafatiwe ku kibuga cy’indege Entebbe polisi yagezaho imwemerera kujya kwivuriza muri Amerika ariko yabanje gusurwa na Dr.Kiiza Besigye agira ibyo avuga | Umusingi

Bobi Wine wari wafatiwe ku kibuga cy’indege Entebbe polisi yagezaho imwemerera kujya kwivuriza muri Amerika ariko yabanje gusurwa na Dr.Kiiza Besigye agira ibyo avuga

Umuhanzi akaba na Depite uzwi cyane nka Bobi Wine ku munsi w’ejo yari yafatiwe ku kibuga cy’indege ubwo yerekezaga muri Amerika kwivuza afite ibyangombwa by’urukiko ndetse n’ibya muganga bimwemerera kujya kwivuza ariko ageze ku kibuga cy’indege arafatwa ndetse arakubitwa bamujyana mu bitaro bya Kirudu na mugenzi we Zaake.

Mbere yari yasuwe na Dr.Kiiza Besigye ubu uvugwa ko yasimbuwe na Bobi Wine mugukundwa n’abantu benshi ku buryo Besigye aherutse gutangariza itangazamakuru ko politike ayivuyemo hari abandi bashoboye kuvugira igihugu n’abaturage akaba yari yasuzumye Bobi Wine nk’umuganga w’inzobere wavuraga Perezida Museveni bari mu ishyamba mu ntambara yo gukuraho ubutegetsi bubi bwariho icyo gihe yari iyobowe na Perezida Museveni ubu Besigye akaba arwanya Museveni.

Dr.Kiiza Besigye akaba yari yavuze ko yasanze hari amagufwa ya Bobi Wine yavunitse harimo imbavu n’izuru akeneye kujya kwivuza hanze y’igihugu.

Bobi Wine amaze gufatwa abantu bakaba bigaragambije mu mujyi wa Kampala ndetse abasirikare bakaba bakubise umunyamakuru wataraga amakuru y’imyagaragambyo nawe ubu akaba ari mu bitaro arembye.

Nyuma yako kavuyo kose bamwe bavuga ko Perezida Museveni ariwe ugateza kuko Bobi Wine yari afite ibyangombwa bimwemerera kujya kwivuza hanze y’igihugu yafatirwaga iki?.

Ikindi kumufata kandi nyuma ukamurekura ari uko abantu bamaze kwigaragambya ntacyo aba akemuye.Bobi Wine akaba yarakubiswe n’abasirikare barinda Perezida Museveni baramukomeretsa bikomeye we n’abandi ba Depite bagenzi be barimo Zaake na Wadiri n’abandi bantu batandukanye barafungwa ariko bamwe barekurwa byagateganyo.

Umugore wa Bobi Wine witwa Barbie Itungo akaba yari yanditse ku rukuta rwe rwa Facebook ko umugabo we yongeye gufatwa ari ku kibuga cy’indege agakubitwa ndetse abasirikare bakajya kumujugunya ku bitaro byitwa Kirudu ariko nyuma polisi ikaba yamuhaye urwandiko rumwemerera kujya kwivuza aho ashaka.

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.