umu amakuru- Abaturage baranenga bamwe mu bayobozi b’Akarere ka Nyanza bambuye umuturage ikorombe cye cy’amabuye barakigarurira. | Umusingi

Abaturage baranenga bamwe mu bayobozi b’Akarere ka Nyanza bambuye umuturage ikorombe cye cy’amabuye barakigarurira.

Imikorere nk’iyo bavuga ko igayitse kandi iri mu bituma Akarere kaba akanyuma mu mihigo.

Hashize iminsi Ikinyamakuru Umusingi kigiye gukorera mu Karere ka Nyanza gaherutse kuba akanyuma mu kwesa imihigo y’Uturere ,mu minsi twagiyeyo hari aho twasanze hari bamwe mu bayobozi b’inzego zibanze muri Nyanza bambuye umuturage witwa Esidiras  Hakizimana  ibirombe bye by’amabuye barabyigarurira.

Hakizimana yatangarije Ikinyamakuru Umusingi ko yari afite ikirombe kimwe kimwanditseho ikindi cyanditse ku mugore we Dusabe Charilote ndetse kiri no mu isambu yabo hanyuma igihe icyamngombwa bari barahawe kirangiye ajya gusaba ikindi ariko kikaba cyaraheze mu Karere kubera impamvu yita ko yasabwe akantu yanga kugatanga.Ibi ni mu Mudugudu wa Mukinanyana Akagali ka Kagunga Umurenge wa Ntyazo.

Ikinyamakuru Umusingi cyasanze hari imodoka yo mu bwoko bwa Fuso ntoya yari imaze gupakira amabuye tubajije abayipakiye uwo bahaye amafaranga yari guhabwa Hakizimana Esidiras bavuga ko bayahaye umuyobozi ushinzwe imibereho myiza y’abaturage mu Kagali ka Kagunga witwa Utazirubanda Radsilas.

Uyu muyobozi umunyamakuru agiye kumubaza iby’ayo makuru uburyo yishyuza ikirombe cy’umururage aho kumufasha ngo abone ibyangombwa ahubwo yavuze ko atari we ushinzwe gutanga amakuru.

Hari bamwe mu baturage yabwiye ko ngo Hakizimana Esidiras yabateje umunyamakuru utazwi abishingiye ko yasabye umunyamakuru ikarita yarasibamye ibyanditseho akagirango wenda si umunyamakuru.

Ikinyamakuru Umusingi cyashatse kubaza Gitifu w’Akagali ka Kagunga witwa Munyaneza Jean Damascene dutangiye gufata amajwi ati “Buretse mbanze mbaze niba mwaje mu Karere mubyemerewe”.

Yahamagaye ku Murenge bamubwira ko batabizi aherako yanga gutanga amakuru kandi abaturage bamushinja ko amafaranga ava mu birombo bya Hakizimana Esidirasi bayagabana uko ari 4 Gitifu n’ushinzwe imibereho myiza y’abaturage na Agronome na Mudugudu.

Ikinyamakuru Umusingi kibajije Agronome ari we Hakizimana avuga ko ari nyirabayazana yamusabye ibihumbi mirongo itanu kubera amakara yari yatwitse arayabura undi ahitamo kumwimisha icyangombwa.

Hakizimana yagize ati “Igitabo kinyemera gukomeza gucukura amabuye Umurenge waransinyiye kuko bari bamaze kunsura bacyohereza ku Karere ariko muri iyo minsi hari uduti natwitse Agronome ansaba ibihumbi mirongo itanu ndayabura ahera ko anyishyiramo ngerageza kumutumaho abantu batandukanye kumunyingingira birananirana”.

Ikinyamakuru Umusingi cyabajije Agronome w’Umurenge wa Ntyazo witwa Nyirangendahimana Solange maze ibyo ashinjwa na Hakizimana byose arabihakana ati “Azuze ibyo yasabwe gukora icyangombwa bazakimuha”.

Ku bijyanye no kwishyuza amafaranga y’ikirombe afananije n’abandi bayobozi yarabihakanye ati njyewe maze iminsi mu mahugurwa ubwo sinzi impamvu abaturage bavuga ko bayahaye umuyobozi ubwo namwe mwagenzura makamenya ukuri kwabyo ariko asoza avuga ko biza gukemuka.

Ikinyamakuru Umusingi kiva ku kirombo cya 2 twahuye n’umuyobozi w’Umudugudu tumaza impamvu amafaranga ava mu kirombe cya Hakizimana arabyihakana avuga ko abaturage bamubeshyera.

Ikinyamakuru Umusingi cyarakomeje kibaza Umunyamabanga nshingwabikorwa niba ikibazo cy’ibirombe mu Murenge ayoboye akizi maze avuga ko akizi ati “Byarahagariswe kuko ibyangombwa bye byari byarashaje agomba gusaba ibishya akaba ibyo yasabwe gukora bitararangira”.

Abajijwe impamvu abayobozi barimo gitifu n’ushinzwe imibereho mu Kagali na Agronome na mudugudu aribo bagabana amafaranga ava mu mabuye acukurwa mu kirombe cya Hakizimana avuga ko ibyo ari amayeri ya Hakizimana kuko ngo bigeze gufata umushoferi wari waje gupakira bamuca amande yandika urwandiko avuga ko ari Hakizimana wari wamwohereje ati rero tugendera kubyanditse.

Ikindi kibazo ni uko icyo kirombe gikora kidasora kandi uwagikoreshaga yarasoreraga Leta ariko ubu abayobozi bakaba barengera bakamugira inama ahubwo bahanganye nawe ngo arabateza abanyamakuru batazwi ku buryo umuturage yageze aho yamburwa umurima yari afatanije n’abandi baturage.

Ikinyamakuru Umusingi cyabajije Meya wa Nyanza Ntazinda Erasme kuri Telephone ye igendanwa kuri whatsap niba imikorere nk’iyo ku bayobozi bamwe na bamwe idakwiye yaba ariyo ituma Akarere kaba aka nyuma mu mihogo y’Uturere kuko bidakwiye abayobozi kwambura umuturage ibikorwa bye bakabyigarurira amafaranga bakayashyira mu mifuka yabo.

Meya yabajije niba uwo muturage hari izindi nzego yaba yaritabaje avuga ko we icyo kibazo atakizi.

Perezida Kagame ahora anenga abayobozi badaha abaturage serivise nziza kuko bakorera abaturage ariko aba abaturage babashinja ko amafaranga ya Hakizimana bayishyirira mu mufuka ntibanayashyire mu kigega cya Leta nibura.

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.