umu amakuru- Perezida Museveni ibyo yavuze kuri Bobi Wine byongeye kurakaza benshi avuga ko n’iyo yaba adafite abamurinda yakwirwanaho yirwanyeho kenshi | Umusingi

Perezida Museveni ibyo yavuze kuri Bobi Wine byongeye kurakaza benshi avuga ko n’iyo yaba adafite abamurinda yakwirwanaho yirwanyeho kenshi

Views:
480

Kuri iki cyumweru Perezida Museveni yagize icyo atangaza akoresheje urubuga rwe rwa twitter ahakana amakuru avugwa ko Depite Bobi Wine na Wadiri bakubiswe cyane bagakomereka avuga ko ashobora kwirwanaho ubwe n’iyo yaba adafite abarinzi (Bodygurds).

Ibi Perezida Museveni yabivuze nyuma y’abanyapolitike benshi banenze igikorwa kibi ndetse kigayitse cyo gukubita abadepite barimo Bobi Wine na Wadiri n’abandi batandukanye ku buryo bameze nabi kandi bafungiye mu gisirikare ariho bavurirwa.

Museveni yagize ati “Bobi Wine na Wadiri bashakaga kunyica ariko nanjye nshoboye kwirwanaho niyo naba ntafite abandinda”.

Perezida Museveni yanenze abo bose batababajwe n’uburyo imwe mu modoka zimugenda inyuma yo mu bwoko bwa V8 Land Cruiser yatewe amabuye ikirahure kinyuma kikameneka ahubwo abantu bakihutira gushyigikira abashakaga kumwica.

Bobi Wine na Wadri abadepite bagenzi babo barabasuye nyuma y’igihe abakubiswe batazwi aho baherereye nyuma babasanga mu kigo cya gisirikare I Makindye nyuma yo kuvanwa Arua aho bakubitiwe n’abasirikare barinda Perezida Museveni.

Perezida aMuseveni akaba yahakanye ko Bobi Wine na Wadri batameze nabi kandi Barbie umugore wa Bobi Wine uyu munsi tariki 19 Kanama 2018 akaba yagiranye ikiganiro n’abanyamakuru avuga uko yabonye umugabo we ameze ,avuga ko ibisebe byinshi ku maso ,umutwe ,no ku nkokora aribwo bitangiye kuma.

Imiryango iharanira uburenganzira bwa muntu n’abanyapolitike batandukanye bakaba bavuga ko abakubiswe bameze nabi ariko Museveni akaba yabihakanye avuga ko igisirikare gifite abaganga bakomeye babavuye ,iki kikaba aricyo cyarakaje abantu.

Museveni yavuze ko yagiye yirwanaho inshuro nyinshi ku bantu bashakaga kumwica bakananirwa aho yavuze ko  ku itariki ya 22 ukwezi kwa mbere 1973 i Mbale abasirikare ba Amini  bari bagiye kumwiciyeyo , Umupolisi ukomoka muri  Kenyan witwa  Patrick Shaw i Nairobi mu 1978, Igihe cya Tabuley hafi na  Atiriri muri 2003 n’ahandi henshi yagiye apangirwa kwicwa ariko akirwanaho.

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.