umu amakuru- Umugore wa Depite Bobi Wine aho yakabereye yabonye umugabo we kubera uko yakubiswe arahwera | Umusingi

Umugore wa Depite Bobi Wine aho yakabereye yabonye umugabo we kubera uko yakubiswe arahwera

Views:
429

Muri Uganda inkuru ikomeje kuvugwa cyne ndetse imaze gufata indi ntera igeze ku rwego mpuzamahanga n’iyumuhanzi akaba n’umudepite Bobi Wine n’abagenzi be bakubiswe bikomeye n’abasirikare barinda Perezida Museveni muri Arua ubwo bari mu gikorwa cyo kwiyamamaza kw’amashyaka atandukanye agomba kuvamo umudepite uzasimbura uwarashwe agapfa ariwe Abiriga.

Uwo munsi wo gusoza kwiyamamaza nibwo havuzwe ko abafana ba Bobi Wine bateye imodoka imwe mu za Perezida Museveni amabuye bakayimena ikirahure cy’inyuma bityo umushoferi wa Bobi Wine baramurasa arapfa.

Ntibyagarukiye aho kuko basanze Bobi Wine muri hotel yararagamo baramukubita bikomeye ata ubwenge yongeye kugarura ubwenge yisanga ari mu bitaro bya gisirikare ameze nabi.

Kugeza ubu Bobi Wine n’abagenzi be babadepite bakubiswe nkawe ndetse bose bameze nabi harimo uwitwa Wadri ari nawe Bobi Wine yamamazaga akaba yaratsinze afunzwe n’abandi batandukanye bakaba bakiri mu maboko y’igisirikare aho barimo kuvurwa ariko bikaba bimaze gutera umwuka mubi mu baturage ku buryo batangiye kwigaragambya.

Hari hashize iminsi igisirikare cyaranze ko Bobi Wine asurwa ndetse n’umuryango we batazi aho aherereye kugeza ubwo ku munsi w’ejo umugore we witwa Barbie Itungo Kyagulanyi n’abanyamategeko bagiye I Makindye aho Bobi Wine afungiye ndetse arwariye bikomeye bamwemerera kujya kureba uko umugabo we ameze amubonye uburyo yakubiswe isura ye igahinduka agwa hasi araherwa.

Barbie umugore wa Bobi Wine

Bobi Wine

Barbie yarebye ukuntu umugabo we yakubiswe agwa hasi arahwera akurwaho na muramu we witwa Eddie Yawe uyu akaba avukana na Bobi wine bityo bose batangira kurira.

Bobi Wine nabagenzi be bakaba bashinjwa kugambanira igihugu kubera ko bamusanganye imbunda mu cyumba cye yararagamo muri hotel ariko Abadepite batavuga rumwe na Leta bakaba bavuga ko ibyo ari ibinyoma ndetse n’abantu benshi bakaba batarimo kwemera ko ari ukuri.

Abaganga bakaba bemeje ko impyiko za Bobi Wine zangiritse kubera imigeri no gukubitwa cyane acyeneye kujya kwivuriza mu bitaro bikomeye.

Abanyapolitke batandukanye muri Uganda barimo Dr.Kiiza Besigye ,Elias Lukwago n’abandi batandukanye bakaba basaba ko Bobi Wine arekurwa vuba kandi ntabyaha ashyizweho akajya kuvuzwa hakiri kare kandi bakaba bafite impungenge ku nshinge bamuteye ko zishobora kumugiraho ingaruka mbi.

Gusa ngo Bobi Wine yabajije umugore we ati mu matora twaratsinze?undi ati yego amwenyura agaseko ariko ngo ubona arembye cyane.

Muhungu John –Kampala

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.