umu amakuru- Bobi Wine yavuze uko byamugendekeye ariko ararembye cyane,ese apfuye haba iki muri Uganda?Hari bagenzi be umwe ahumekera mu byuma | Umusingi

Bobi Wine yavuze uko byamugendekeye ariko ararembye cyane,ese apfuye haba iki muri Uganda?Hari bagenzi be umwe ahumekera mu byuma

Views:
314

Umuhanzi akaba n’umudepite mu Nteko ishingamategeko ya Uganda Bobi Wine nyuma yo gukubitirwa muri Arua we nabagenzi be ubwo barimo kwiyamamaza kwa mugenzi we nyuma abafana bakamena ikirahure cy’imodoka imwe mu modoka za Perezida abasirikare bamusanze mu cyumba cya hotel baramukubita kuva icyo gihe abantu bari batazi aho ari ariko uyu munsi akaba yasuwe avuga uko byagenze.

Abashinzwe uburenganzira bw’ikiremwa muntu muri Uganda bamusuye ababwira ko ubwo yari mu cyumba cya hotel yagiye kumva yumva abantu bamubwira ngo kingura kingura aranga bica urugi barinjira agerageza kumanika amaboko nk’ikimenyetso cyo kwerekana ko yemeye gukora icyo bamubwira ariko ntibamukubite cyangwa ngo bagire ikindi bamukora.

Bobi Wine yabwiye abamusuye ko yaherutse amanika amaboko abo basirikare n’abandi bambaye imyambaro isanzwe bose batangira kumukubita icyarimwe kugeza ubwo yataye ubwenge yongeye kugarura ubwenge asanga ari mu bitaro bya Arua.

Bobi Wine ikibazo cye kikaba cyakomeye kubera bamushinja ko bamufatanye imbunda kubera iyo moamvu agomba kugezwa mu rukiko rwa gisirikare I Makindye ari naho arwariye bikomeye akaba ashinjwa icyaha cyo kugambanira igihugu .

Bobi Wine

Loodi Meeya wa Kampala, Erias Lukwago akaba yemerewe gusura Bobi Wine aho arwariye akaba yabwiye abanyamakuru ko Bobi Wine ameze nabi no kuganira bavuganaga ururimi rutava mu kanwa kubera ububabare afite yatewe no gukubitwa n’abasirikare barinda Perezida Museveni.

Abantu barimo kwibaza ku mbuga nkoranya mbaga nka Facebook na Twitter ndetse na whatsap ko Bobi Wine uvugwa ko arembye apfuye byagenda bite muri Uganda?.

Abantu batangiye kuvuga ko igihugu cya Uganda gishobora kujya mu buzima bubi bw’intambara kubera Bobi Wine kuko ubu n’Abadepite bakaba bigaragambije bavuga ko batazongera gukora akazi bagenzi babo batarekuwe kandi nta mananiza bashyizweho ndetse n’ibyaha bashinjwa bakabikurwaho.

Abo nibo bamwe mu bagore nabo bafunzwe bameze nabi

Abantu bakomeye muri Uganda harimo na Kabaka ariwe Umwami n’abandi banenze igikorwa cyakorewe abasepite gukubitwa n’abasirikare barinda Perezida ku buryo bukabije bwa kinyamaswa.

Mu bandi  bakubiswe ndetse bagafungwa harimo Francis Zaake uyu akaba ari umudepite ukomoka Mitiyana akaba afashwa n’ibyuma guhumeka ku buryo bivugwa ko arembye cyane kurusha abandi ,Wadri, Mwiru Paul, karuhanga, mabiike n’abagore babiri bivugwa ko barimo kuva amaraso menshi mu gitsina.

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.