umu amakuru- Breaking News:Umushoferi wa Depite Bobi Wine arasiwe Arua ahita apfa | Umusingi

Breaking News:Umushoferi wa Depite Bobi Wine arasiwe Arua ahita apfa

Views:
383

Amakuru aturuka mu gihugu cya Uganda ni uko umushoferi wa Depite Bobi Wine arasiwe mu Karere ka Arua ari mu modoka ahita apfa.

Akarere ka Arua gaherereye mu Majyaruguru y’igihugu cya Uganda ndetse Umudepite wo mu ishyaka rya NRM rya Perezida Museveni witwa Abiriga aherutse kuraswa ari mu modoka arapfa .

Depite Bobi Wine bazi nka  Robert Kyagulanyi

Abaturage bo muri Arua bakaba bararakaye cyane ku buryo bateze imodoka yari izanye umurambo bawuteruramo barawitwarira ariko basaba Leta kubabwira uwishe umuntu wabo bakundaga cyane.

Urupfu rw’umushoferi wa Bobi Wine bakaba baruhuza n’urupfu rwa Abiriga kuko hari abatangiye kuvuga ko yishwe n’abatavuga rumwe na Leta bakaba bavuga ko bihoreye kuko ubu Bobi Wine ariwe mu gihugu cyose uvuga abaturage bakamwumvira kurusha abandi bose.

Ubwo twandikaga iyi nkuru byavugwaga ko Bobi Wine hotel yari yacumbitsemo yagoswe n’abasirikare ndetse harimo kumvikana urusaku rw’amasasu menshi cyane.

Bobi Wine yahise yandika ku rukuta rwe rwa twitter ko Polisi irashe umushoferi we bazi ko ariwe barashe.

Umugore wa Bobi Wine witwa Barbie yanditse kuri Facebook avuga ko abantu bamusengera ndetse n’umugabo we kuko aho bagiye muri Arua muri campaign umushoferi we yarashwe akicwa kandi arimo guhamagara umugabo we ariko Telephone ye itanyuramo akaba afite ubwoba ko n’umugabo we ashobora kuba yishwe.

Mu gihugu cya Uganda ubwicanyi nk’ubwo bumaze gufata indi ntera iteye ubwoba nyuma yo kwica Andrew Felix Kaweesi wari wungirije umukuru wa Polisi ya Uganda Gen.Kale Kayihura nawe ufunzwe ubu ,Depite Abiriga ,Maj.Kigundu n’Abashehe benshi ndetse na Suzan Magara.

Turacyakurikirana kumenya aho Bobi Wine ari niba ari muzima n’andi makuru dukomeza kumenya turayabagezaho yose.

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.