umu amakuru- Hatangijwe amasengesho kuzenguruka igihugu agamije gusengera Gen.Kale Kayihura | Umusingi

Hatangijwe amasengesho kuzenguruka igihugu agamije gusengera Gen.Kale Kayihura

Views:
155

Mu gihugu cya Uganda hatangijwe amasengesho mu gihugu cyose agamije gusengera Gen.Kale Kayihura akaba yatangijwe n’abakunzi be aho bari hose mu gihugu kugirango Imana imufungure.

Abel Bizimana akaba ari umuyobozi ku rwego rw’Umurenge uyu munsi ku cyumweru tariki 12 Kanama 2018 ari Mulago Catholic Church yagize ati “Uyu munsi turi hano kugirango twereke Imana ko Gen.Kale Kayihura akwiye gufungurwa”.

Umuvugizi w’igisirikare cya Uganda UPDF  Brig Richard Karemire yavuze ko igisirikare mu gihe gikwiye bazabagezaho ibikwiye bizaba bivuye mu iperereza ku byaha Gen.Kale Kayihura yakoze byatumye afatwa agafungwa n’imyanzuro yabyo”.

Abakunzi ba Gen.Kale Kayihura bambaye imyambaro iriho ifoto ye batangiza amasengesho

Gen.Kale Kayihura

Inshuti n’abavandimwe ba Gen.Kale Kayihura bavuze ko basaba Inteko ishingamategeko ya Uganda na Minister Amelia Kyambadde ubwo yaje I  Kisoro aho Kayihura avuka , na Minisitiri w’Intebe Ruhakana Rugunda n’abandi benshi kurekura Kayihura ariko ntacyo bose barakora tukaba dutangije amasengesho kugirango Imana imufungure.

Hari komite yashyizweho irimo abantu bakomeye mu gisirikare na polisi ya Uganda kayobowe na CIID boss Grace Akullo bakaba barahase ibibazo Gen.Kale Kayihura ku bijyanye n’urupfu rwa Andrew Felix Kaweesi.

Nkuko abari aho Gen.kale Kayihura yabarizwaga,Kayihura byaramutangaje cyane kubazwa ibyo bibazo bijyanye n’urupfu rwa Kaweesi.

Gen.Kayihura ati “Kaweesi mwicara iki?aratangara kuki ibi mubihuza n’urupfu rwa Kaweesi kandi ntaho bihuriye?”.

Mu rusengero abantu babwiwe guhaguruka bagasengera ubuzima bwa Kaweesi. Bizimana ati “Ndasaba mu mutima mwiza  ko buri muntu wese yasengera Gen.Kale Kayihura”.Bizimana yakomeje avuga ko uyu ari umwanya wo gusengera Gen.Kayihura kandi ntago ari politike ahubwo dusanzwe dusengera abayobozi n’abanyapolitike bose tukaba dutangije kumugaragaro aya masengesho ya Kayihura mu nsengero zose mu gihugu”.

Elijah yarageragejwe mu bibazo bitandukanye ariko abivamo ndatekereza ko na Gen.Kayihura azabivamo tukongera kumubona kandi vuba ndashaka kubwira Perezida Museveni ko hari ubushyamirane mu bantu ndetse hari na ba mafia bashaka kurangiza ubuzima bw’abantu.

Abafana ba Gen.Kayihura bakaba bagaragaye bambaye imyambaro iriho ifoto ya Gen.Kale Kayihura imbere nk’ikimenyetso ko bamushyigikiye muri byose .

Nyirasenge wa Kayihura akaba yanenze Minisitiri w’Intebe uherutse kuvuga ko inzego cyangwa ubuyobozi burimo gukurikirana ikibazo cya Kayihura.

Yakomeje avuga ko uburyo Minisitiri w’Intebe uburyo yavuze ari mu Nteko ishingamategeko ya Uganda bitabashimishije ndetse nta kizere byabahaye ko Kayihura bamufungura none ikizere dufite n’Imana yonyine igiye kumufungura.

Twagerageje guhura na Perezida Museveni ngo tuganire nawe nk’umuryango n’inshuti ntacyo byatanze none turasaba abanyamadini mwese n’ abemera Imana mwese ko musengera Gen.Kayihura agafungurwa.

Ikinyamakuru cya chimpreports dukesha iyi nkuru kivuga ko gifite amakuru ko ISO basabye Perezida Museveni ukundi kwezi kugirango barangize iperereza ku byaha ashinjwa abone kugezwa mu rukiko cyangwa abonane na  Museveni.

Byashyizwe mu Kinyarwanda na Muhungu John –Kampala

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.