umu amakuru- ISO yafashe abandi bantu 4 bakoranaga na Gen.Kale Kayihura mubyo kwica Kaweesi | Umusingi

ISO yafashe abandi bantu 4 bakoranaga na Gen.Kale Kayihura mubyo kwica Kaweesi

Bamwe banekeraga ikindi gihugu ndetse bishe umucuruzi ukomoka muri  Eretria batwara Miliyari z’amafaranga ye

Mu gihugu cya Uganda hashize iminsi inkuru zivuga kuri Gen.Kale Kayihura zitacyandikwa cyane bigaragare ko hari umuntu ukomeye ushobora kuba yarategetse ko ibinyamakuru bigabanya kwandika izo nkuru ariko andi makuru akavuga ko abantu bo ku ruhande rwa Gen.Kayihura aribo bashyizemo amafaranga nyuma yo kubona ko ibinyamakuru bimwibasiye cyane.

Ikinyamakuru cya Bukedde dukesha iyi nkuru cyanditse inkuru kivuga ko abashinzwe umutekano mu gihugu imbere ISO bafashe abandi bantu 4 harimo abapolisi 2 ndetse n’abandi bantu 2 ariko umwe bavuga ko ari umusirikare w’ikindi gihugu gituranye na Uganda ndetse bakaba baranekaga muri icyo gihugu.

Mu bafashwe harimo uwitwa D/ASP Patrick Muramira wakoreraga  ishami rya polisi Special Investigations Unit (SOU)ryayoborwaga na SSP Nixon Agasirwe nawe ufunzwe ashinjwa gufata impunzi z’abanyarwanda.

Abandi bafashwe harimo Fred Tumuhairwe, Habib Roma na Ben Odeke aba bakaba bashinjwa kuba barafashe Meeya wa Kamwenge Godfrey Byamukama bamwica urubozo bashaka ko yemera ko azi abishe Kaweesi kandi atabazi.

Ibindi byaha bashinjwa harimo kwica umunya Eretria, Daniel Weldo Okba Michael wacuruzaga mu Kikubo muri Kampala umurambo we bajya kuwujugunya mu gihugu cya Kenya amafaranga Miliyari yari afte kuri konte muri bank barazitwara bakaba baramwishe amaze kubasinyira.

Umuvugizi w’igisirikare cya Uganda UPDF, Brig. Richard Karemire abajijwe kuri Telephone ye igendanwa yavuze ko polisi ariyo izi impamvu Muramira yafashwe ariko avuga ko yari butangaze amakuru yifatwa ryabo bantu nyuma amaze kumenya amakuru yabo bose.

Umuvugizi wa Polisi  Emilian Kayima we yavuze ko ubwo bafashwe na CMI ariyo izi impamvu bafashwe ariko avuga ko Muramira yigeze gufatwaho n’abandi bantu bashinjwa iyica rubozo rya Meya wa Kamwenge Byamukama ndetse urubanza ruracyari mu rukiko.

Undi wafashwe n’uwitwa Abdul Karim Safari n’undi witwa Niwamanya bakaba bafitiwe ahitwa Kakumiro ariko Safari bakaba bamukeka ko ari maneko w’ikindi gihugu gituranye na Uganda.

Umwe mu bafashwe amakuru avuga ko hari ibimenyetso byo kwica Kaweesi yari yarabitse mu nzu ye mu gisenge cyayo bakaba bamufashe bajya no gusaka urugo rwe ,ibyo bimenyetso barabitwara.

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.