umu amakuru- Amayeri Museveni akoresha aha abasore batazwi amafaranga menshi bakitwa abaherwe bagatangira kujya gufasha abaturage mu byaro nka Bryan White | Umusingi

Amayeri Museveni akoresha aha abasore batazwi amafaranga menshi bakitwa abaherwe bagatangira kujya gufasha abaturage mu byaro nka Bryan White

Views:
465

Hari umusore witwa Bryan White mu gihugu cya Uganda urimo kuvugwa cyane kubera amafaranga afite atazwi aho yavuye akaba ashobora kugera mu isoko agakurayo umufuka agatangira kugenda ajugunyira abacuruzi amafaranga no mu bindi bikorwa bitandukanye nko gufasha abahanzi n’urubyiruko ndetse akaba yaratangije ikitwa Bryan White Foundation.

Uyu musore amaze gukora amateka muri Uganda mu gihe gito kuko nta myaka ibiri irashira amenyekanye ariko ibikorwa amaze gukora bigaragaza ko ari mu baherwe 3 ba mbere muri Uganda yose.

Zari ari kumwe na Bryan White batangiza  Foundation

Bryan White yigeze gufungwa muri gereza ya Luzira ahubwo agezeyo yatangiye kubakisha iyo gereza ayisana aho yasenyutse bigeze kuri Noheri yaguze inka 9 kugirango abafungwa bose barye inyama kuri uwo munsi.

Akantu kose gakomye muri Uganda gakeneye amafaranga bahamagara Bryan White n’umudamu witwa Maama Fina ukuriye abapfu muri icyo gihugu kuko nibo bafasha abantu bafite ibibazo bitandukanye.

Bryan White yahaye abahanzi imodoka ndetse ku rupfu rwa Radio niwe watanze amafaranga menshi yo gukodesha intebe n’ibyuma bicuranga ndetse no kubaka inzu yari yaratangiye kuba agapfa itarangiye Bryan White yiyemeza kuyubaka ikarangira yubaka n’imva ya Radio.

Uwo afashe amafaranga ni nyina wa Radio igihe yari mu bitaro arembye

Uwo ni Chamilion abara amafaranga iburyo bwe Bryan White

Ubu muri iyi minsi avuye mu Majyarugu y’icyo gihugu ahitwa Arua gufasha urubyiruko rwaho kwiteza imbere no gushyigikira SACCO zaho no gufasha inzego z’ibanze kwiteza imbere akaba yaratwaye ibikoresho bibarirwa muri Miliyoni 70 ariko abantu barakibaza aho akura ayo ,afaranga.

Muri icyo gikorwa yafashijwe n’umugore wahoze ari uwa Diamond Platnumz witwa Zari nawe uvugwa ko ari umuherwe kubera ibikorwa bye birimo amashuri akomeye muri Afurika y’Epfo no mu Bwongereza no mu bindi bihugu bitandukanye kandi agafatwa nk’umunyamideli.

Aba bombi n’ubwo bivugwa ko Bryan White ashobora kuba amutereta bitewe n’amafoto yashyizwe ku mbuga nkoranyambaga ariko batanze ibikoresho ku mashuri harimo udukapu twiza tw’abanyeshuri ,ibiryo n’ibindi bikoresho byinshi.

Amakuru agera ku kinyamakuru Umusingi aturuka mu bantu bizewe bakaba bavuga ko Bryan White amafaranga akoresha ari Museveni wayamuhaye kugirango ajye gufasha abantu abigisha gukunda igihugu no gukora bakiteza imbere aribyo ashyigikiye nkuko avuga ko urubyiruko rwose uwumva ashaka gukira afite umushinga uwo nta mpamvu atamushyigikira.

Hari ababanje kuvuga ko amafaranga akoresha ari Gen.Kale Kayihura wayamuhaye ariko aho Kayihura afungiwe bakabona ko atariwe wayamuhaye ahubwo abazi amakuru bakaba batubwiye ko ari amafaranga ya Perezida Museveni yamuhaye kuyanyuza mu bikorwa byo guteza imbere urubyiruko.

Bryan White akaba yaragiye Arua mu ndege ye wenyine ndetse na Zari ikaba ariyo yagiye kumuzana kuko bagiye mu minsi itandukanye kuko Zari yaturukaga muri Afurika y’Epfo ariho aba n’umuryango we.

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.