umu amakuru- Ese Kabila akwiye gushimwa kuba yemeye kuva kubutegesi cyangwa yatinye ?uwamusimbuye yamenyekanye | Umusingi

Ese Kabila akwiye gushimwa kuba yemeye kuva kubutegesi cyangwa yatinye ?uwamusimbuye yamenyekanye

Views:
295

Hashize iminsi abantu bategereje ijambo rya Perezida Kabila niba azongera kwiyamamaza ariko ku munsi wa nyuma wo gutanga kandidatire mu matora ya Perezida wa Repubulika Iharanira Demokarasi ya Congo (RDC), habonetse umukandida w’ishyaka riri ku butegetsi Emmanuel Ramazani Shadary akaba ariwe uzasimbura Kabila naramuka atsinze.

Emmanuel Ramazani Shadary w’imyaka 57 ni Umunyamabanga Uhoraho w’ishyaka riri ku butegetsi, PPRD, mu Ukuboza 2016 kugeza muri Gashyantare 2018 akaba yaragizwe Minisitiri w’Intebe wungirije akaba na Minisitiri w’Umutekano wa RDC.

Hari amakuru Ikinyamakuru Umusingi cyamenye ko ibihugu bikomeye by’Iburayi byamwangiye kongera kwiyamamaza ndetse akaba amaze iminsi arimo kwinginga ko bamureka agakomeza akaba Perezida w’icyo gihugu ariko birananirana ari nayo mpamvu Ishyaka rye ryatanze umukandida kumunota wa nyuma.

Kabila Joseph n’ubwanwa bwe yateretse

Emmanuel Ramazani Shadary

Impamvu ibyo bihugu byamwangiye ni uko hari ibindi byari byiteguye guhita bitangiza intambara igahitana benshi n’ubwo hari abandi bakuru b’ibihugu bya Afurika bamugiraga inama yo guhindura itegeko agakomeza kuyobora nkuko bo babigenje ariko asanga byamushyira mukaga ibyiza ari ugutanga intebe kandi umusimbuye akamushyigikira ku buryo nta uzamukurikirana ibyaha yaregwa nyuma yo kuva kuri iyo ntebe itabonwa na buri umwe.

Icyo Kabila yahisemo cyashimishije abantu benshi ndetse n’imiryango mpuzamahanga ikaba yamushimiye kuko yafashe icyemezo cya kigabo n’ubwo uwo yashyizeho nawe batangiye kumunenga ko yigeze gukubita abantu ,ubwo abaye Perezida azibica kuko ukubita ataragira izo mbaraga aho azazibonera azakora ibidakoreka.

N’ubwo abantu benshi babyishimiye ariko nanone iyo Katumbi atabuzwa kwinjira mu gihugu ashobora kuba yari butsinde kuko abaturage benshi bari bamushyigikiye kandi yari gutsinda ariko nyine hari ibyo abantu bajya bavuga ko nta kinanira amafaranga ariko Katumbi iyo agira uwo ayaha yari gutanga menshi ariko akinjira mu gihugu cye.

Kabila yari afite ubwo bubasha bwo guhindura itegeko agakomeza kuyobora atitaye ku ngaruka byari gutera ariko kuba yafashe icyemezo akemera kutongera kwiyamamaza n’ikintu akwiye gushimirwa kuko bazafasha igihugu cye gutera imbere no kugaragaza urwego rwa Demokarasi icyo gihugu kigezeho.

Kibaye igihugi kiyongera kuri Kenya kuko nayo nyuma yo kugaragaza ko habaye kwiba amajwi urukiko rugategeka ko amatora asubirwamo byagaragaje ko ari igihugu kimaze gutera intambwe nziza muri Demokarasi ,na Zimbabwe uko biri yateye intambwe na Nigeria Perezida wariho yaratsinzwe aremera avaho neza kimwe na South Africa na Tanzania ,bigaragara ko Africa itangiye guhindura isura.

 

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.