umu amakuru- Mu mukino w’imvururu Rayon Sport itsindiwe i Nyagatare 2-1 | Umusingi

Mu mukino w’imvururu Rayon Sport itsindiwe i Nyagatare 2-1

Views:
78

Ikipe ya Rayon Sport yatsindiwe i Nyagatare na Sunrise FC ibitego 2-1 mu mukino ubanza wa 1/2 cy’Igikombe cy’Amahoro. Igitego cya mbere cya Sunrise cyagiyemo mu masegonda nka 50 y’igice cya mbere cy’umukino gitsinzwe na Sinamenye Syprien.

Sova usigaye ari kizigenza w’iyi kipe yatsinze icya kabiri ku munota wa 18 w’igice cya kabiri, Rayon Sport iba itsinzwe 2-0.

Yannick uzwiho gushyuha cyane mu kibuga akaba yanarwana, yongeye gukagashyana n’umukinnyi Vedaste Niyibizi wari umushyize hasi amukuraho umupira, bisaba ko inzego z’umutekano ku kibuga zimanuka ziza guhosha imvururu.

Umukino ugiye kurangira, mu minota y’inyongera, Mbondi Christ wa Rayon Sport atsinze igitego biba 2-1 umukino uhita unarangira.

Igitego cy’uyu mukinnyi ukomoka muri Cameroon cyo mu minota y’innyongera na cyo cyakurikiwe n’imvururu nyinshi ubwo abafana ba Sunrise binjiraga mu kibuga ariko umusifuzi yahise arangiza umukino.

Rayon Sport yasaga n’inaniwe umukinnyi Rutanga Eric yinjiyemo asimbura Nyandwi Sadam naho Diarra Ismaila ntiyakinnye kubera ahari gutinya imvune.

Umukino wo kwishyura hagati ya Rayon Sport na Sunrise uzaba ku wa gatanu kuri Stade ya Kigali, mu gihe APR FC iheruka kunganya na Mukura Victory Sport bizakina ku wa gatatu.

Abafana ba Rayon ntibari benshi ku kibuga uretse fan clubs zimwe na zimwe zari zihari nka Kiziguro fan club, na Kiramuruzi, Gikundiro, na Gisaka, Sunrise yari mu rugo yari ifite abafana benshi biganjemo urubyiruko.

Source: UMUSEKE.RW

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.