umu amakuru- Mbabazi yahuye na Museveni mu bukwe bw’umukobwa we warongowe n’umuhungu wa Perezida wa Africa y’Epfo | Umusingi

Mbabazi yahuye na Museveni mu bukwe bw’umukobwa we warongowe n’umuhungu wa Perezida wa Africa y’Epfo

Views:
415

Ibya politiki byagiye kuruhande ndetse nta na munyangire bagira mu muco wabo ,Mbabazi washatse gukuraho Perezida Museveni ku butegetsi ariko binyuze mu matora nyuma yo kutumvikana hagati yabo bombi bakiri muri NRM nyuma bagahangana ndetse bikagaragara ko Museveni yarakaye bongeye guhurira mu bukwe barasuhuzanya ubona ko nta kibazo bakigifitanye.

Ubukwe bwabaye ejo Kuwa gatandatu tariki ya 4 Kanama 2018 bukaba bwari ubw’umukobwa wa Mbabazi akaba yarongowe n’umuhungu wa Perezida wa Afurika y’Epfo witwa Andeli Ramaphosa naho umukobwa wa Mbabazi akaba yitwa Bridget Birungi.

Ni umuhango wo gusaba no gukwa kandi mu muco w’Abahima cyangwa abanyankole iyo bagiye gushyingira batumaho inshuti z’umuryango n’abavandimwe bose bagakora imihango y’ubukwe ukurikije umuco wabo.

Aba nibo bageni

Perezida Museveni uzwiho kutagira inzika na munyangire kuko iyo azaba kuba ari undi bitewe n’uburyo yashyamiranye na Amama Mbabazi wabaye Minisitiri w’Intebe wa Uganda igihe yakoraga Ishyaka rye akaryita Go Forward muri 2016 ubwo yashakaga kuba Perezida agakuraho Museveni byari bihagije ko batazongera kwicarana ,kuvugana,gushyingirana n’ibindi ariko Museveni yavuze ko politiki idakwiye kubanganisha kandi barahoze ari inshuti imyaka myinshi.

Amama Mbabazi yakira Museveni mu bukwe

Perezida wa Afurika y’Epfo afite mikora arimo kuvuga

Abageni

Amama Mbabazi na Cyril Ramaphosa  n’umugenei

Ubu bukwe bwatashywe n’abantu benshi barimo abanyacyubahiro benshi ndetse na Perezida wa Afurika y’Epfo Cyril Ramaphosa akaba yari yabutashye dore ko umuhungu we ariwe warongoye umukobwa wa Mbabazi.

Hari hari n’abaherwe batandukanye nka Sudiir uzwi cyane mu gihugu cya Uganda na Kenya ndetse na Janet Museveni akaba yari ahari ndetse bakaba bishimiye umuhango waranzwe n’umuco gakondo w’icyo gihugu witwa Kuhingira bivuze gushyingira.

Amama Mbabazi yashimiye cyane Perezida Museveni n’umugore we Janet Museveni kuba baremeye ubutumire bwabo kuza mu bukwe bw’umwana wabo ndetse abashimira n’impano bahaye Bridget Birungi.

Perezida Museveni yavuze uburyo Mbabazi yamufashije gukuraho ubutegetsi bubi bwa Idi Amini avuga uburyo yashakaga abantu babanyabwenge muri FRONASA bamwe muri bagenzi bamaze guhunga igihugu kubera ubuzima bwabo bwashoboraga kujya mukaga  barimo Ruhakana Rugunda ubu ariwe wasimbuye Mbabazi ku mwanya wa Minisitiri w’Intebe na  Eriya Kategaya n’abandi bityo Mbabazi akomeza akazi kugeza ubwo twafashe ubutegetsi.

Perezida Museveni yavuze ko iyo utumiwe mu bukwe n’umuvandimwe cyangwa inshuti ntago agenda ugiye kurya gusa uba agomba gutwerera akaba yavuze ko mu muco wabo utanga inka akaba yavuze ko yaje yitwaje inka nyinshi zo gutwerera umwana wabo ariko ziri muri Anvelope ahita ayiha Bridget Birungi.

Amakuru aravuga ko Amama Mbabazi ashobora gusubirana na Museveni akamuha akazi dore ko yari amaze kwibagirana ari nayo mpamvu yemeye gutaha ubukwe bw’umukobwa we.

Muhungu John –Kampala

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.