umu amakuru- Havumbuwe ikindi cyaha gikomeye kuri Gen.Kayihura n’abari bamwungirije cyo kwiba Miliyari 10 | Umusingi

Havumbuwe ikindi cyaha gikomeye kuri Gen.Kayihura n’abari bamwungirije cyo kwiba Miliyari 10

Views:
334

Havumbuwe amakuru y’uko Gen.Kale Kayihura na bamwe mu bari ibyegera bye barimo Col Ndawula Atwooki, Amos Ngabirano uri mu buhungiro n’abandi bapolisi bakuru 3 batavuzwe amazina ko baguze ubutaka Miliyari 13 bitanyuze mu nzira zemewe.

Amakuru atugeraho aravuga ko amakuru yageze kuri Perezida Museveni akaba n’umugaba w’ikirenga w’ingabo za Uganda ashyiraho itsinda ryo guperereza niba koko ubwo butaka bwaraguzwe n’amafaranga bwaguzwe bakamuha igisubizo bitarenze iminsi 30.

Umuvugizi wa polisi wungirije witwa SP Patrick Onyango akaba yemeje ko polisi yaguze ubutaka bungana na hegitari 100 ariko ntiyavuga amafaranga ubwo butaka bwaguzwe. Kuri Telephone abwira ikinyamakuru kitwa spyreports  SP Patrick Onyango ygize ati “Icyo nababwira ni uko ibisabwa byose inzira zose zanyuzwemo mu kugura ubwo butaka buvugwa”.Yakomeje avuga ko ubwo butaka hari abapolisi babutuyeho mu rwego rwo kugirango hatagira ababwiba.

CP Moses Kafeero komanda wa Kampala Metropolitan niwe wayoboraga polisi ya Bwebajja aho ubwo butaka bwaguzwe abajijwe niba azi uburyo ubutaka polisi yaguze yavuze ko atazi niba hari ubutaka yaguze.

CP Moses Kafeero yagize ati “Nta dosiye ya polisi yo kugura ubutaka nigeze mbona mu biro byanjye ko ishaka kugura ubutaka cyeretse niba ubwo butaka bwaraguzwe naragiye mu mahugurwa I Kigali mu Rwanda”.

N’ubwo Onyango yemeje ko ubutaka bwaguzwe kandi byanyuze mu nzira zose zemewe n’amategeko uwitwa Sylvia Kirabo ukuriye itangazamakuru n’itumanaho muri PPDA yavuze ko batigeze bamenyeshwa ko polisi ya Uganda yigeze igura ubutaka bunini gutyo n’amafaranga menshi gutyo.

Yakomeje avuga ko niba polisi yaraguze ubwo butaka mu nzira z’ukuri nta kibazo tuzagirana nabo ndetse nta ngaruka bazahura nazo ariko niba twe tuziko batatumenyesheje kandi ubutaka bwaraguzwe bazahura n’ibibazo kandi babyitegure.

Umuntu utashatse ko amazina ye atangazwa muri iki kinyamakuru dukesha iyi nkuru ukora muri Minisiteri y’ubutaka akaba yavuze ko amakuru ko polisi yaguze ubutaka Miliyari 13 ariko nta muntu wa leta ushinzwe kumenya niba koko ubwo butaka bwaguzwe bukwiye ayo mafaranga(government valuer’s report ).

Biravugwa ko igitekerezo cyo kugura ubwo butaka cyazanywe na Lt Col Atwooki Ndawula ari nawe wari komisiyoneri hagati y’ugura n’ugurisha ibintu bitemewe umuntu uri muri polisi ku rwego ariho kujya muri ibyo.

Amakuru aturuka muri polisi aravuga ko Lt Col Atwooki amaze kuzana icyo gitekerezo Gen.Kale Kayihura yahamagaye ibyegera bye harimo Amos Ngabirano wahunze igihugu n’abandi 2 batavuzwe amazina kugirango baganire kuri icyo gitekerezo.

Andi makuru nanone aturuka muri polisi ya Uganda avuga ko nyiri ubutaka yashakaga Miliyari 3 ariko Ndawula yabwiye Gen.Kale Kayihura nabo bandi bari kumwe ko nyiri ubutaka ashaka Miliyari 3 gusa andi ,Milyari 10 ari ayabo ariko babiri muri muri ako kanama babanje kwanga bavuga ko ayo mafaranga ari menshi ashobora kuzateza ingaru mu gihe bazaba badakoranye na PPDA cyangwa umukozi wa Leta ushinzwe kumenya agaciro ku butaka ariko bageza aho baremera.

Iki kinyamakuru cyavuze ko  Gen.Kale Kayihura yabwiye aba bari kumwe muri uyu mugambi ko nta muntu wese uzagerageza gukora iperereza ku mafaranga azaba yaguzwe ubutaka atabimwemereye akaba yarabijeje ko nta kibazo kizavuka ahari.

Kugirango amakuru atangire gukwirakwira ahantu hose ni igihe Gen.Kale Kayihura yavugaga mu muhango wo kwinjiza abapolisi mu gipolisi bari barangije amahugurwa avuga ko polisi yaguze ubutaka hegitari 100 ariko ntiyavuga amafaranga bwaguzwe.

Ayo mafaranga ni menshi cyane yagombaga kwemezwa na PAC ariko amakuru akaba avuga ko PAC itigeze imenyeshwa ibyo byose bikaba byiyongeye ku byaha Gen.Kayihura ufunzwe n’ibindi byinshi aregwa birimo urupfu rwa Kaweesi no gufata impunzi zabanyarwanda n’ibindi byinshi.

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.